فوق هام السحب ( الشعر الشعبي) على متن القوافي

ليت السفر بين المحبين ممنوع
تحجز جوازات المحبين بالذات

حتى لوأن السفر حق مشروع
المشكله لأهل الهوى حزن وآهات

لاغاب خلّك والرجاء فيه مقطوع
لابه رسايل توصلك وأتصالات

الخط مغلق كنّه الكرت منزوع
من ضيقتك تلعن جميع أشتراكات

تضرب على الكفّين والقلب مفجوع
تضيق بك عقبه جميع المساحات

في ليل دامس ضايعٍ مابه شموع
الفكر تايه فـي دروب المتاهات

العين تذرف بالدقايق له أدموع
والقلب عايش بين حسره وونـات

لو انك تجر الصوت ماهوب مسموع
ياطول مابينك وبينه مسافات

يمكن ظروفه مامشت له على طوع
ويمكن سلا فكره بروحه وجيّات

سايح بدار المغرب والأجر مدفوع
يسرح ويمرح بين سجّه ولذات

.....

لله درّي على الصبر و على الاعتياد
‏أواجه الوقت صلب وخاطري ماحكى

‏انا أكثر إنسان تشكي له قلوب العباد
‏وعلى كثر مايواسيهم ماعمره شكى

.....

حلمي كبير ورغبتي كنها طير
‏مايطوي الجنحان لاشاف قمه

‏ان قالها الله والليالي مداوير
‏لارقى سنام طويق والحلم اتمّه

.....

ليل الشتاء لاجاك يوقض مواجعك
‏ويحرّك اللي في دواخلك ساكن

‏لشتد برده لفحة الشوق توجعك
‏وتطري عليك دروب ذيك الاماكن

.....

في عيونك حزن واسرار وكلام
‏حزن قلبك كون وعيونك بكون

‏مستحيل يكون ذا برد وسلام
‏اصعب انواع الحزن حزن العيون

.....

ذاب الكلام وضاع حلم التعابير
‏وتزاحمت بالشعر كل الحناجر

‏بعض القصايد لانثرته نواوير
‏وبعض القصايد مثل طعن الخناجر

.....

‏القلب مجلس والمحبه تقهويك
‏فنجال ماتستاهله غير يمناك
‏
‏من قبل لاآشوفك عيوني تحييك
‏وشلون لو آشوف طلّت محياك

.....

دنىظ° الفجر وعيون المفارق على ماهي
سهيره وفيها من لظىظ° الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

.....

لاتراقب ما أقوله من بعيد
وانت في كل القصايد مقصدي

كان تبغى مني اعطيك الجديد
إقترب مني ويا الدنيا اشهدي

إن حُـبك صار يجري فالوريد
من فؤادي لى دماغي لى يدي

وانك الحُب الحقيقي الوحيد
وان جُرحك لايزال فيني نَدي

أيه احبك بس يا الحظ العنيد
عاشقك ماهو سفيه ولا ردي

.....

لو فيه شيء بخاطرك قلي عليه
لو صرت غامض لاتحـسبنـي غبي

في ذمتك وشلون اعرف اللي تبيه
دام انت نفسك ما انت عارف وش تبي

.....