فوق هام السحب ( الشعر الشعبي) على متن القوافي

‏ابدع على كيفك ولا تجرح الناس
‏احفظ وقار الناس تحفظ وقارك
‏
‏واذا اعجبك ابداع غيرك فلا بأس
‏وجهة نظر مافيه مانع تشارك

.....

المحبه والموده كلها له
لو يطول البعد ما ينقص وفانا

من غلاته لو بغى روحي حلاله
والله إن الشوق من عقبه طوانا

أتمنّى كل يوم إني قباله
والظروف من اللقا دوم اتحدانا

.....

‏اجمل ثلاثه شفتهم في حياتي
الورد والبسمه وطيش المحبين

واسوى ثلاثه ياعساها ماتأتي
الضيق والدمعه وتفريق شخصين

.....

‏لايفلت لسانك علي شين منطوق
ولا تشيل في قلبك من الحقد ذره

وقت السعه كل الأوادم تجي ذوق
وب الضيق تعرف منه خيره وشره

.....

عشت قبلك فالمعاناة يالوجه السموح
والشعور الزين جاه الزمان وجمّده

جيت عندي كنّك البلسم اللي للجروح
كل جرحً من يدين الليال تضمّده

.....

واحدً ربي من الزين والقبله اعطاه
يستلم عرش المحبه ويلبس تاجها

مثل مايحتاج الانسان للماء فالحياه
الدروب اللي تودي عليه احتاجها

.....

يـامرحبا ياهلا واللّه يرضى عليك
مع إنك ابطيت لكن يامرحبا ياهلا

تصدّق إنّي نويت اسوق عمري وأجيك
لكن دفعك الغلا حتّى دفعت البلا

.....

ياطير ياللي حايمن في سما نجد
بلغ سلامي للغضي في محله

بلغ تحيات المحبه بلا حد
للصاحب اللي شد قلبي وتله

.....

ترا عزيز النفس لامن عاف عاف بلا كلام
والله لو أنه وطن ماعاد له حب وولا

ماينتهي كثر الغلا إلا بقل الأهتمام
وإن جيتني بعدين مالك لا حضور ولا غلا

.....

لبيه لو كان برد الليل سوى سواه
ف الجادل اللي تكيّفني على مودها

واقول يابرد مالك في حشاها حياه
مادام نار المشاعر يصطلي عودها

.....