فوق هام السحب ( الشعر الشعبي) على متن القوافي

خيّبوا ظنك هل الضعف ياراس المديح
‏أنت كبّرت الهقاوي فخلّك قدها

‏كان غرّتك الهواين وقومت الطريح
‏الهواين حتى حيّز فراغ يسدّها

‏لنَ ترى معادن الناس بالشكل الصحيح
‏لين تبلغ مجريات الظروف اشدّها

‏كان تبغى تعيش باقي حياتك مستريح
‏خل عنك الطيبة الزايدة عن حدّها

.....

‏الاصحاب واجد كل واحد وراه علوم
على الفايت اللي فاتّ ماعاد يمدينا

بعضهم نعلمه الرمايه وينصى القو
وبعضهم نعلمه الرمايه ويرمينا

.....

‏عامل الناس بالحسنى ولين الجناب
لاجل ترضى عليك وتكسب قلوبها

وقبل تفتح لذكر عيوب الأجواد باب
لد عينك لنفسك واصلح عيوبها

بقلمي

‏سلم على اللي فاقده ولا فقدني
وقله كثر ماقلت لعيونه اشتقت

محلله عن گل وعدٍ وعدني
ومسامحه عن كل ليله تضايقت

.....

احفظ لسانك لا بلوك المعاثير
‏والكلمة اللي دون ميزان خفها

‏يجوز ترمي كلمةٍ دون تفكير
‏والصبح سودان القلوب تخطفها

.....

مؤسف إنّه على قلبي وقلبه يجور
ومحزن إنّه قريب وما قدرت اقربه

باروا الناس واللي ماهقيته يبور
سرّه البعد والصوت الحزين اطربه

.....

‏خل عنكْ الكلام اللي يقولون عنه
البشر مايعرفوني ولا يعرفونك

ان بغيت الصحيح وهرج مافيه منّه
والله اني عجزت اعيش عمري بدونك

.....

تكفون خلوني ترا منزله غير
خلوني اسلا لايجي له مجالي

قفى وعذره فوق كل المعاذير
عذره معه حتى والوغاب غالي

.....

من البداية كنت اخاف النهايات
‏مستقبل الاوهام ماجف له ريق

‏حنا انخدعنا في جمال الّبدايات
‏واحلامنا تحتاج وقفة وتحقيق

.....

‏عن نسيم البرد والليل روحِي في ذراك
كل ليله فالشتاء معك ليلة دافيّه

.....