اخترنا لكم

ريحة بخورك تنعش القلب والروح
‏وفاحت رياح العود من زين طيبك

‏طـيـبـك يشـيـل الهم ويزيل الجروح
‏ ويبقى جمال الطيب ساعة حضورك

.....

واين الذي لا هويته ما يقلك لا
في كل الاوقا والساعات تلقا له

به في بروج المحبه دايمً تعلا
ويفوق حبك علا العشاق والشله

وفي سنين المحبه دايمً تغلا
ماتعرف الحزن والدوار والذله

قلوبنا من فعال اهل الهوا قــتلا
وكل واحد يريد العشق من شكله

انك بذور المحبه والهوا يغـــلا
والا على المهل كلن يعتمد فعله

.....

إنظري لي نظرة الشوق للشي القديم
وإغرقي بالدمع الأزرق مظاليلٍ وساع

وإقبلي مثل التباشير في وجه الكريم
وإرحلي مثل التعازي على موت الشجاع

.....

‏تطيب الرجال وطيبها بالـعرب مذكور
‏وتبقى على النوماس والطيب مذكوره

‏ياكم حي ماله بين جمع الرجال حضور
‏ويا كـم ميت بـين القبايل سيرته حيـه

.....

من عادتي لا جاني الضيق جنبت
عن كل شخص من الخلايق احبه

اتحمل الضيقات واتحمل الكبت
لكن ماكون لضيق الاحباب سبه

.....

اقبلي من صوب قلبي سلّم الله هالخطاوي

كل دربٍ في حضورك لا مشيتي تشرّفينه

.....

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

‏وقلب جرحته لاتحاول تداويه
‏خله يعاني من قساوه طعونك

‏بالله قلي ماحصل وش تسميه
‏أغلى حبيب لك بلحظه تخونه

‏حاولت بك ولاحصل شي ابيه
‏وخيبت ظني خيب الله ظنونك

‏تصفي لغيري بالمحبه وتغليه
‏وتبيع ناس بالموده يبونك

.....

ضمني ضمة حضن ماهي بـضمة يدين
‏واترك احياء المشاعر تضم امواتها

‏ليلـةٍ جابتك عندي وانا صدري حزين
‏ودي اوقف على شوفتك ساعاتها

.....

‏⁧ تجمل⁩ ترا والله مال للجميل انكار
‏ولا ينكره من كان في راسه مروه

‏عسى راعي ابشر ماتقفي به الاقدار
‏ولا ينقطع ذكره ولا ينطفي ضوه