فوق هام السحب ( الشعر الشعبي) على متن القوافي

أنتي أول حب وإنتي أخره
وأنتي أفكار القصيد وحبها

حتى لو إني بوسط محاضره
روحي تلقى في خيالك طبها

أنتي يابنت القصيد الفاخره
الأماني معك وصلت ربها

.....

ريح ضميرك عن كثير الهواجيس

ترى السعاده دوم في قوا الايمان

وأحذر طريق الشر لاتتبع أبليس

خلك عشير المرجله عالي الشان

ومن لاتعب ماحاش فعل النواميس

صبرك على ماجاك لو كان ماكان

والحر ماله بالمذله مجاليس

.....

لاتعطي الناس حجم أكثر من اللازم
الغالي غالي لو أنك ماتوضح له

واللي على موادعك متزهب وعازم
بيروح ماهوب ناطر منك تسمح له

.....

لاتحاول ترضي الناس ورضاها صعيب
من يسد بطونها مايسد عيونها

لارضو عليك خلوك للعين القريب
والعرب وش يفرق عيونها عن نونها

وان تغير حالها قامت ظنونك تخيب
ينكرونك لو جمايلك وسط بطونها

.....

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

اشرب من اسلوم الرجاجيل فنجال
واعيف من بعض السفاهات دله

واذخر لصكات المقادير رجال
واهجر من اشباه الرجاجيل شله

.....

خل اكلك خاف ماعندك خبر
راد يوكف كلبي بس ربك ستر

وقاومت كدام عينك بس وراك
الله شاهد حتى بالشارع بجيت

شعر عراقي

ياعاشق الدنيا تراها محطات
تعيش في ديره وتفنـى بديره

لاياخذك طرد الهواء والملذات
اذكر محطات الحياة الاخيره

.....

‏لولا ظروف الحياه اللي تقص الحديد
‏ماكان سرّيت رجلي والذياب تعوي

‏البارحه طحت والا الصبر عيا يفيد
‏مابين صدة حبيب وبين شرهة خوي

.....

لاتصغّرين النفس وأنتي كبيره
‏ولا تمسكين الوقت وأنتي الخيارات

‏ولا تسمعين الزيف وأنتي بصيره
‏ولا تغيرين الطبع وأنتي القناعات

‏ولا تشابهين بشي وأنتي الاخيره
‏ولا تسابقين الغير وأنتي البدايات

‏ولاتقبلين القِل وأنتي كثيره
‏ولا تطلبين الحل وأنتي الاجابات

.....