اخترنا لكم

‏لاطاح من عينك من تعزه وتغليه .
‏مالك على باقي المخاليق شرهه

.....

‏خذيت فالماضي بالافكار جوله
‏ورجعت للحاضر وعندي قناعات

‏اجمل سنين العمر سن الطفوله
‏واجمل سنين الحب وقت البدايات

.....

‏بين الأذان وبين تكبير الأمام
‏الفضل واسع في انتظار الصلاوات

‏لا وهني اللي عن الفرض مانام
‏ما غرته دنيا العنا بالملذات

‏لا راح نصف الليل من مرقده قام
‏وصلى لوجه الله مع الوتر ركعات

بقلمي

‏ياواحد احد ياعالمٍ بالخفى والغيب
‏لك الحمد يا معبود والشكر والمنه

‏عسانا بدنيانا نحوز الوفا والطيب
‏وفي الاخره نفوز برضاك والجنه

بقلمي

خلك معي أقرب من الشوف للعين
‏وابقى معك مثل العيُون ونظرها

.....

‏هــاك الوفا والغـلا بالشعر مرســول
وهاك الورود أشكال من كل نـوعـي

بـيـنـي وبينك بـحـر وجبال وسهول
وروحك قـريـبـه في حنايا ضـلوعي

.....

قلبي مساك وليلي بشوفتك غير
‏ياللي غشاك الليل قلبي يحبك

‏ يسعد مسا قلبك انا قلبي بخير
‏بس انت قلي يا الغلا كيف قلبك

.....

‏ما نجبر اللي ما يبينا علينا
‏حنا عزاز نفوس ما نجبر الناس
‏
‏واللي يقدرنا وجانا يبينا
‏عزيز ومقدر على العين والراس

.....

لو تحاربك الحياه وما عليها
‏انت ادرى عن مدا احلامك وذاتك
‏
‏كل لحظه تعيش فيها عيش فيها
‏لا تخلي غيرك يغير حياتك

.....

ياكبر قدرك يارفيقي عن الناسَ
مايشبهك في طبعك إلا المرايا

هِي تعكس الأشياء بدقه ومقياس
وأنت تعكس بَطيبك وبيض النوايا

.....