فوق هام السحب ( الشعر الشعبي) على متن القوافي

‏الشوق كايد والبطا زوّد الشوق
زدني بوصلك جعل ما اذوق حزنك

فيني جفاف سنين ماتت به عروق
وفيني صحاري ماتبي غير مزنك

.....

يا الليل شف لك حل او هات حلي
ماهي بحاله بالسهر تبتليني

كلما ندهتك شوق رديت يا اللي
سهران فك الصمت بينك وبيني

.....

الرفاقة تجارة والوفاء رأس مال
اشتر اللي يعزك كان تبغى حصيل

وإن بغيت المعزه في عيون الرجال
لاتجادل سفيه ولا تخاوي ذليل

.....

‏يامرحبا واللي مرحّب صدري
‏ولا يلام الصدر لارحّب بك

‏لاتنشد اشفيك والله مدري
‏أقول لك مشتاق والا أحبك

.....

‏وش ذنب من حبك وهو مايشوفك
والقلب من طول المسافات مفجوع

اكتب على صدري بداية حروفك
والقلب دقاته من البعد موجوع

.....

‏ﻳﺴﺒﻘﻨﻲ ﺍﻟﻘﻠﺐ ﻗﺒﻞ ﺍﻟﺸﻮﻕ ﺑـﺎﻟﻨﻈﺮﻩ
ﻭﺃﻏﺾ ﻧﺒﻀﻲ ﻗﺒﻞ ﻻ‌ﻳﻔﻀﺢ ﺃﺳﺮﺍﺭﻱ

ﻭﺃﻓﺘﺢ ﺷﺒﺎﺑﻴﻚ ﺳﻤﻌﻲ ﻻ‌ﻃﺮﻯ ﺫﻛﺮﻩ
ﻭﺃﻗﻮﻝ ﻣﺪﺭﻱ ﻭﺃﻧﺎ ﻓﻲ ﺫﻣﺘﻲ ﺩﺍري

.....

‏بعض البشر لاغاب عن ناظر العين
احس كل الناس في الكون راحت

وبعض البشر لوغاب ايام واسنين
ما اشتاق له قلبي ولا النفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبه حل بين الشرايين
ومكانته وسط القلوب استباحت

.....

كل ماجيت برسل له رسالة جديدة
‏أتراجع وأخاف تجيه منها مشاكل

‏والا أنا ودي أرسل له عتاب بقصيدة
‏ضيقةٍ مع عروق القلب تشرب وتاكل

.....

‏قلوبنا من طيبها تحفظ الطيب
‏واللي يجينا من ردى الناس ننساه

‏حنا بشر نخطي مع الوقت ونصيب
‏وان بان في ثوب الخوي شق نرفاه

.....

‏المراجل ماتبي مكسور خاطر
‏لاتقول أبشر ووجهك مايبشّر
‏
‏كن وجهك عقب عذرك وجه فاطر
‏فاطرٍ عيّت تموت ولا تعشّر

.....