فوق هام السحب ( الشعر الشعبي) على متن القوافي

‏عز الله اني وصلت لمرحله صعبه
‏ماكل واحد من الناس يتحملّها

‏لكن ورب السماء والارض والكعبه
‏اني لها لين ماربي يسهلها

.....

مثل القمر قلبي وحيد ٍ بليّاك
‏طفل ٍ عن أحضان المحبين عيّا

‏وأنا مسكت إيدين قلبي وجيناك
‏لو ماخذيته حب خذني حميّا

.....

برد ليل ونور قمرا والأماني والبعاد
‏هيّضت فيني حنين ومن لغيرك هالحنين

‏غربتي دونك طويله وأنت للغربة بلاد
‏يامعين الصابرين أنك تعين الصابرين

.....

‏ياخاطري لايزعجك جور الايام
كم مرتن تكبر وترجع سهايل

صحيح توجعنا تصاريف الاحكام
لكن كثير الصبر جاب الجمايل

.....

أدفن همومك بالصدر واكرم الذات
سجن الحزن يبقي كرامتك حُرّه

تتعب على كتمان الاوجاع مرات
ولا تحس بذلـّة البوح مرة

.....

‏مكارم الناس بالاخلاق مذكوره
وبيض النوايا تبيض وجه راعيها

والكلمه الصادقه ماهيب مستوره
من بين الاجواد ماتقصر مساعيها

.....

‏مهما كتبت من الخواطر والأشعار
ومهما اصغت الحرف ياكيف مايكون

ورغم إن حرفي قد سلب كل الانظار
يبقى قليل وداخل الصدر مكنون

.....

لو الرسايل بين الاحباب مِقياس
أرسَلت لك في كُل لَحظه رِساله

لو الرّسايل تِشرح إللّي بالإحساس
صَوّرت لَك شوقي وكيف إشتِعاله

لكن غلاك أكبَر مِن حروف وأقواس
صَعب اشرَحه صَعب أوصِفَه في مَقاله

غَلاك فِكر وهاجِس وروح وأنفاس
غَـلاك شَيٍ ماتشيله رِساله

.....

‏كيف أبيّن لك وأغرد عن غلاك
وأنتي أكبر من حروف ومن قوافي

من وصوف الحور يتباهى حلاك
فـي حضورك تصبح الدنيا عوافي

.....

لي وليفٍ عشقني صدق وانا عشقته
والمحبه من الله والهوى بالتراضي

مايهم ان سبقني بالغلا او سبقته
نتفق بالمحبه دون شاهد وقاضي

.....