فوق هام السحب ( الشعر الشعبي) على متن القوافي

‏ماضاقت الا عند ربي فرجها
‏في طاعت الله تنفرج كل ضيقه
‏
‏كافل عباده معتني في حرجها
‏الله خلق عبده ويسر طريقه
‏
‏عنده مفاتيحن تعدل عوجها
‏ليا عوّد المسلم لرب الخليقه

.....

‏ياحلوها لاجات منك انا فداك
يلي غرامك داخل الروح ساكن

كلمة احبك ماله طعم لولاك
والكون لولا طلتك صار داكن

.....

‏لاتزعلين ان ماكتبت الشعر فيك
لكن معي بيت ومعانيه سيده

انتي قصيده في نظر عين مغليك
تاكدي منتي بحاجة قصيده

.....

من سواد العين والا من حلو سود الاهداب
الكحل ياخذ سواده من سواد عيونها

ومن بياض العين والا عينها ثلج وضباب
حتى أعطت للثلوج ولوّنتها بلونها

والزهر لونه وعطره سارقه خد الرباب
حتى أنها لامشت له تابعتها غصونها

والعسل ياخذ حلاوه من شفاها ومنها طاب
والنسيم العذب هل بشعرها ولمتونها

.....

اللي يحب الشمس يبكيه الغروب
واللي يحب الليل يضحك للقمر

واللي يحب انسان مايقدر يتوب
لاصار هذا الحب يسوى له عمر

.....

‏تبقين مثل التعافي في عروق الجريح
والغيمة اللي تفز الناس لحضورها

النادرة بالوصوف المعجزة بالمديح
المذهلة كل نور الأرض من نورها

.....

‏انا فَقيد النّاس لاصرت ويّاك
مَسجون عِندَك بين اصابع كُفوفَك

اللّي يِدقّق فـي كَلامي بيقراك
واللّي يركز في عُيوني يِشوفَك

.....

نخفي الوله وقلوبنا كلها شوق
‏وعيوننا تفضح غرامآ خفيناه

‏نكتب مشاعرنا تحت راية الذوق
‏والحرف من جوف الحنايا نزعناه

.....

خواطر الناس بحر وكل عاشق غريق
وانا غريق العيون اللي عليها الكلام

عيونك إن سلهمت للحب تفتح طريق
ماكنها إلا عصا موسى عليه السلام

.....

لاصار طب البرد ضم الحبايب
الله يعين الي حبيبه مجافيه

واللي حبيبه دوم مبعد وغايب
ما أظن حتا الشمس ممكن تدفيه

.....