اخترنا لكم

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق

.....

لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

‏على الزعل والضيق حنا كبرنا
‏ماعاد في اشياء تستاهل الضيق

‏واذا اعتزلنا الكلّ محدٍ جبرنا
‏ العزله أصدق من وجيه المخاليق

‏حتّى على صدّ الحبايب صبرنا
‏الحلم لولا الصبر مافيه تحقيق

‏من كثر خيبات الحياه اعتبرنا
‏العمر لحظة واليالي توافيق

.....

بعض الرسايل مالها اليوم داعي
محرمه ماهي على نهج الإسلام

لو ان راعيها حكيم وواعي
ماراح ينشرها لنا عبر الاعلام

.....

‏ياشين بعض الكلام ان زاد عن حده
‏يكدر البال ويجدد مـواجعنا

.....

‏نصيبك من الله ثابت بلوحه المحفوظ
‏ولـو تجتمع كل البشر ما يردّونه

.....

الصمت أجمل أحاسيس الغلا ذوق
وأحلى كلام الحب شعر وخواطر

وان ما رتوينا من غمام المطر شوق
لابد من وقت به الشوق مآطر

.....

استغفرك يالله يارب الأرباب
وأسألك ثبتني على نهج الأسلام

ويالله لدرب الخير يسر لي أسباب
واعوذ بك من شر دورات الأيام

.....

بعض المساحات فيها نخبة المُجتمع
الطرح راقي ويحضىَ بإحترام وقبول

والبعض فيها خبول المُجتمع تجتمِع
المستضيف أهبل ولاجاه غير الخبول

.....

الحاجة اللـــي حـدة الحر للبوم
يدفق دماء وجهه ويرخي متونه

لا شك أنا عنها من رجال ٍ تشوم
لو كان حظـــي مكسرات قرونه

راضي بكل اللي مقدّر ومقسوم
حتى ولـو كتفـي ثقيلـه ديونـه

أبيع وأشري وأفرق السوم واسوم
والطيّب الوافـي ترانــي زبونـه

.....