فوق هام السحب ( الشعر الشعبي) على متن القوافي

إن‌شانت‌ الأيام‌ والحظ‌ مازان
رجاي‌ بالله‌ وجعل‌ بالأمر خيرة

.....

‏أهل الهوى لاعوّد الليل يسرون
‏تغريهم القمرا بذكر الحبايب

.....

‏تفرّدت ياوجهٍ جماله صنيع الله
‏لك القلب يبعث لك معَ العين برقيّة

‏من اللي يشوف الوجه هذا ولا يهواه
‏وش الملح لو ماهي ملامحهْ شرقيّة

.....

‏في ليلة ٍ فيها النظر شبه معدوم
أسهبت بالتفكير في كل غبّه

شفت القمر ثابت ولآ حوله نجوم
ونحّرت راسي للنسيم ومهبّه

.....

إن دعآك الضيق فاحذر لآتضيق
‏كم عطيت الوقت لكنّه جحد
‏
‏آختر من الوقت لدرووبك صديق
‏يستمع لك بسّ لآتضمن أحد

.....

حتى الرسايل لها فترة صلاحية
يموت من بعدها إحساس مرسلها

.....

يابو جديل فوق الأمتان منسوف
يلحق على روس الردايف ضفافه

وعيون سود وخد ونهود وردوف
وليا ابتسم تجذب عيونه رهافه

.....

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال مافيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك ابايعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ماسلا

.....

‏جادلٍ ربي عطاها الزين كله
الجمال اللي عليها ماحصرها

كبر عين وحلو ثغر وزين طله
وكن نور البرق في لبة نحرها

والشعر قصه لحاله دون زله
والله أن الليل كنه من شعرها

فيه حاجه منصدم منها من الله
يقدر المسباح يدخل في خصرها

.....

نجود بالموجود كان الزمن شح
‏والناس ماعشنا الحياة برجاهم

‏نروح للناس ونجي بالوفا صح
‏لكن مانرجيهم ونمشي وراهم

.....