فوق هام السحب ( الشعر الشعبي) على متن القوافي

لاتُهنيني بعامٍ ليس عامي
‏لستُ قسيساً ولا جدّي ابْنُ حامِ

‏أنا ياهذَا حنيفٌ مُسلِمٌ
‏رأسُ عامي غرة الشّهر الحرامِ

.....

‏سبح وهلل واذكر الله دقايق
‏ما اظن تاخذ وقت يامضيع الوقت

‏واطلب جليل المُلك لاصرت ضايق
‏عساه يفرج ضيقتك كل ماضقت

.....

اطنخ وتدلل دام انا وانت حيين
تفداك روحي كان روحي تسدك

بلدك قلبي والشوارع شرايين
تمشي مع الشريان من حيث ودك

مره تمشي داخل العين ياعين
ومرة تخش الفكر محد يردك

.....

وآقلبي اللي بين الأضلاع مشتاق
‏مشتاق شوق الام ضمة ولدها

‏يتوق من بين المحاني واذا تاق
‏عوّد على النفس الشقيه نكدها

.....

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد مابقى من حياتي

.....

الا يارفيقي مابقى بالعلوم علوم
ولا عاد بالموضوع وده ولا هاته

عرفنا الصحيح اللي تكنّه صدور القوم
مثل مايعررف الادمي نفسه وذاته

.....

اي والله إن الزمن غيّر عناويني
ماعدت انا الاولي ياوقتي التالي

اول ليا رحت ادوّر من يخاويني
واليوم ما ادوّر الا السجة الحالي

.....

تدور الليالي بين ضيقه وعبرة حلق
وأنا الطّيب اللي دورة الوقت موجعته

أجامل وأنا دمي حياوي ووجهي طلق
وصبري بصدري لاشريته ولا بعته

.....

اللي يضر الناس بتضره الناس
واللي يسوي الخير مردود خيره

طبع الزمن دوار والعرق دساس
وكلن على طبعه يرده مصيره

.....

‏صديقك اللي ينصف الهم نصفين
ويشيل نصف الهم ماقلت شيله

‏ولو ماتشوفه بالرخا دايم العين
وتلقاه في وقت الشدايد دليله

‏هذا الصديق ومثل هذا قليلين
في ذمتي مثله يساوي قبيله

.....