فوق هام السحب ( الشعر الشعبي) على متن القوافي

‏المرايا تعكس اشكال الوجيه
‏والتعامل يعكس اخلاق الرجال

‏والكرم أما يجي والا نجيه
‏واحترام الناس من زين الخصال

‏والزعل والضيق ماهو شي وجيه
‏واجتناب الهرج اذا فيها مجال

‏يالله ياللي كل واحد يرتجيه
‏تهدي ارباب الدعاوي والجدال

.....

‏يالله ياللي باسمه الخلق يدعون
‏يامن لحكمه يخضع الكون كله

‏تغفر لنا ماكان من ذنب ويكون
‏وتكتب لنا الموته على حسن مله

.....

‏لاتزعجون الصدر في كثر العلوم
ماينقل الهرجه سوى عجز الضحى

الطيّب لربعه ولو خابوا يقوم
وإلا الردي من فوقهم مثل الرحى

.....

‏لو نلتفت لأهل الحكي والمقاريد
‏أن كان متنا بين خذها وذقها

‏للسالفه لاجاتنا عندنا قيد
‏مايفرح اللي جابها يلتقطها

‏حنا نحب أهل النقا والاجاويد
‏وأهل الوفا والطايلات انعشقها

‏وقلوبنا ما تعرف الحسد والكيد
‏من فضل ربي صافيه من خلقها

.....

‏يارب انا عبدك اللي من ذنوبه وجل
‏يخطي ويطلبك عفوك لاتخيب رجاه

‏ياجاعل الآدمي دائم وطبعه عجل
‏ويغرونه اعداه من حوله بكل اتجاه

‏نؤمن بمايجري القدر بالسجل
‏ولايرد القضا مال وبنونٌ وجاه

‏يارب عفوك ولطفك قبل وقت الأجل
‏يارب تجعل لنا من نفح عفوك نجاة

....

استر عيوب الناس تستر عيوبك
يا اللي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

عندي حلات الكيف دله وفنجال
ومقابل اللي مايغثك قباله

والجو عليل ونسمته تشرح البال
وبعيد عن هرج القفا والحاله

.....

بعض الخساير تعتبر شبه مكسب
وبعض المكاسب ماوراها من ارباح

وان كنت تبغى لك نصيحة مجرب
اترك كلام الناس سايح وسواح

من كان همه يرضي الناس يتعب
ومن كان همه في رضى الله يرتاح

.....

إن ضاق صدرك بالكلام القاسي
ووجدت روحك من أذاه تُقاسي

سبّح بحمد الله مالك غيرهُ
فعساه يُذهب ضيقة الأنفاسِ

الناس تكسرني وربي جابري
لاضير لي رب رعى إحساسي

ولعلني ألقى إلهي صابرا
فيريحني ويزيح شر الناسِ

يارب آنِسني وأذهِب ضيقتي
مالي سواك يجير قلبي الآسي

.....

ياصاحبي لوتذكر الناس با الخير
‏ماكان أشوفك طول الأيام عابس

‏رفرف بجنحانك على الغصن ياطير
‏حلو الثمر ماطاح من غصن يابس

.....