فوق هام السحب ( الشعر الشعبي) على متن القوافي

ﺳﻼﻡ ﻷﻫﻞ ﺍﻟﻌﺰ ﺑﺎﻟﻌﺰ ﻣﻘﺼﻮﺩ
ﺃﻫﻞ ﺍﻟﺸﻬﺎﻣﻪ ﻭﺍﻟﻮﻓﺎﺀ ﻭﺍﻟﻤﺮﻭّﻩ

ﻷﻫﻞ ﺍﻟﻐﻼ ﻣﻨﻲ ﺳﻼﻡ ﻏﻴﺮ ﻣﺤﺪﻭﺩ
ﺗﺎﺝ ﺍﻟﺼﺪﺍﻗﻪ ﻭﺍﻟﺼﺤﺐ ﻭﺍﻹﺧﻮّﻩ

ﺃﻫﻞ ﺍﻟﻜﺮﺍﻣﻪ ﻭﺍﻟﻜﺮﻡ ﻣﻨﺒﻊ ﺍﻟﺠﻮﺩ
ﻓﺨﺮ ﺍﻟﻘﺒﺎﻳﻞ ﻭﺍﻟﻨﻘﺎﺀ ﻭﺍﻻﺧﻮﻩ

.....

ياناس احبه وانا من كثر حبي له
حبيت حتى القروب المشترك فيها

واحب نضمه وقاف الشعر والجزله
شعره حضاره لحاضرها وماضيها

مابين صمتي ونار الشوق والعله
اتابعه كل ليله من لياليها

ياليت يعرف ويفهم بعد ذا كله
اني احبه وهو لروح غاليها

عساه طبعهه رحيم يمد لي حبله
نبني محبه وتربطنا مباديها

الحب ماهو لمن حطه ومن شله
الحب يبغا قلوب الطيب يطويها

ماتعرف المكر ولا الكذب والزله
تمشي وله نيّه من عذب صافيها

ياليل بالله بلغ فاتني قله
النفس له كيف مايبغا يمشيها

لو قال اخالف شروع الدين والمله
ذا مايبيها من الأشياء فلا ابيها

.....

يابحر الكوت لك مني سلام ومقتفيه عتاب
‏على شاطيك كن الحزن ينطحني بترحيبه

‏تذكرت العيون الناعسات وسلهمة لهداب
‏تقول ان في حورها واحد يسولف عن الهيبه

‏جعل يسقى على ليل جمع في ضفتك لحباب
‏هذاك الليل من بدت ليال العمر ياطيبه

.....

أكابد لوعة فراقك وشوقي فاضح وغلاّب
‏تعبت أسترك من وجهي وتاضح في تنهاتي

‏أقول أني معاد أحن وأدور لي عذر وأسباب
‏ولا أدري كيف أبرر ّرجفة أيديني ودمعاتي

.....

قاصده حُبّه وتاخذني على الحبّ الحميّه
‏وأدري إن الحبّ مايرحم محبينه وآله

‏قلت له حاول تمدّ الوصل قال أنتي عصيّه
‏مامنعني عنك غير إني فهد وأنتي غزاله

‏قلت له مادام موتي فيك ماخفت المنيّه
‏والله اللي مرحبا بالموت في رجوى وصاله

.....

‏على درب السفر جاني من آمال الرجوع هتاف
‏امرّ الديره اللي في وسط قلبي لها بصمه

‏رجعت بمركب أشواقي وادور للوصال ضفاف
‏وصلت وما لقيت إلا منافي مابها رحمه

‏اجي فيني عتب يجرح حَنيني والسنين عجاف
‏واروح وما معي غير الحنين في رحلة الظلمه

.....

اعرفك ماتحب الزله اللي مالها تبرير
‏كفيله بان قلبك مايرده ضلعك المحني
‏
‏انا المخطي عليك البارحه لكن صباح الخير
‏تغاضى عن ضياع البارحه واليوم سامحني

.....

‏ماتغانمت الفرص لكن تغانمت السنين
‏يوم شفت ان المحبّة موذيه جنبّتها

‏من هقى بي هقوةٍ شينه مع الوقت بتزين
‏ومن هقى بي هقوةٍ زينة فلا خيّبتها

.....

برد الشتاء هبّ نسناسه وخايف عليك
‏وانا ملاذك من الدنيا وعندك خبر

‏احطب من ضلوع جوفي لين تدفى يديك
‏والا تلحف يديني مثل بشت الوبر

.....

‏لاتعترف لي بحبّك خلني سارح
فعيونك اللي تشوف الحب فعيوني

أدري انْك تحبني من ليلة البارح
من جدك إني ماعرف اللي يحبوني

.....