فوق هام السحب ( الشعر الشعبي) على متن القوافي

وين أولّي وأنت ساكن في الصوّر وفي الرسايل
‏هي بقت سكّة ماتطرقها طواريّك وأجيها

‏ليه اعوّد لك مدام إن ماورى المعواد طايل
‏وش يرّد اللهفة لنفسي على أشياء كنت أبيها

.....

‏أنا كل ماسجّيت عن حبكم وانصاع
‏عرّض لي بو نوره يرفع الصوت ويشيله

‏يغنّي طرب أيوّه قلبي عليك التاع
‏وأكمل معه مايحتمل غيبتك ليله

.....

على ذكرك تجرّيني هقاوي شاعرٍ مرتاب
‏كتب ديوان في حب الوطن وأنحاش للغربة

‏تبين أسباب ماظنيت بقدر أشرح الأسباب
‏ولا عندي حجج تقنّع ولا عذر أتعذّر به

.....

فمان الله ياغلى من خذلني يوم انا شاريه
‏عجز قلبي لاينسى الي يحبه رغم خذلانه

‏بيذكرني لاشاف ان الليالي تحاول تبكيه
‏بيذكرني لاحس انه غريب شتاق لوطانه

‏انا ذاك المكان الي سكنته واترعرع فيه
‏تشوفه من بعيد وصعب تاصل صوب بيبانه

.....

عين الشعر يالريم تهوى صفاتك
وروح المعاني قلبها فيك شاعر

فاح العبير بشوق يرسم حلاتك
يرسم جموح العاطفه بدرب واعر

سمرات فكري تنتمي لك بذاتك
تسري بها نسمات صارت مشاعر

.....

‏ختام السالفه ياطيب العشره كرمت ودمت
‏هذا حقك علي وحق هقواتي على اوهامي

‏مصير الوقت يشرح لك ظروفه لو غفلت ونمت
‏يصحيك الزمان اللي يصحي كل من نامي

‏تذكرني ليا من ضاعت اوهامك فمن وهمت
‏وعرفت الفرق في حب الخشوم وحب الاقدامي

.....

‏توقف لك ارصفة الشوارع وهي جلاّس
‏واحبك انا وانا صديق الشعر والليل

‏عسى الله يكثر خير وجهك على هالناس
‏هو اللي عسى الله يحفظك لي سقاه السيل

‏تجي مثل زخات المطر يتبعك نسّناس
‏ووطنك القديم اللي تحبه يحبك حيِل

.....

‏انا ادري ان شوفك معلق على الاحلام
‏مثل مادري اني مستحيل اطري ببالك

‏تزعلني الدنيا وترضيني الايام
‏مثل ماتزعلني وترضيني لحالك

‏يدور الشعور ويلحق شعوري استفهام
‏مثل مايدور الوقت وإهمالك إهمالك

‏اشوف الفراق اللي جروحه تمر أعوام
‏علي اهون من المنه اللي ورى وصالك

.....

تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

.....

‏هقيت إني ملكتك مادريت إن الأماني غرور
‏وإنك في يدي لين أنتحى بي الوقت وأقفى بك

‏سقى الله يوم كان أكبر همومك خاطري المكسور
‏وكنت الضيّ في عينك وكنت السقم في ثيابك

.....