فوق هام السحب ( الشعر الشعبي) على متن القوافي

‏مزاج الانسان له فتره وله حاله
‏إحيان ماهو مع مشهاه متجانس

‏مثال لك غالي ودقيت جواله
‏مجرد يقولك لبيه تستانس

.....

‏ليل الشتاء بانت علينا مواريه
‏والجو زان وزان جو الليالي

‏هب البراد وهب بالقلب طاريه
‏غالي وطاري له من الناس غالي

.....

‏ياكثر ماقلت ابسوي وابسوي
ولافي شي من اللي قلت سويته

‏راحت حياتي وانا أطري وأنا أنوي
واللي بغيته نسيته يوم خليته

‏انا أحسب إني صغير وبالعمر توي
لاشك شيبت وأحلى العمر عديته

.....

لايهمك جور الايام ياالصدر الرحُوب
‏خلها تمضي مثل ماعلى غيرك مضت

.....

‏يسري غلاك بداخلي ويتسلل
‏اثره شوي شوي يستوطن الروح

‏حتى غديت انت الوليف المدلل
‏اللي يسوي مابدى له ومسموح

.....

‏من عاش في ضل الرياجيل مسكين
‏حاسو مريره وافقدوه احترامه

‏ان كان منت تعيش رجلٍ حمر عين
‏اصبحت من ضمن الهلايم هلامه

.....

‏أحيان صدري من نظر عيني يضيق
‏وأحيان لا والله من اللي أسمعه

‏مدري انا اللي غير واحساسي رقيق
‏وإلا صدور الناس مافيها سِعه

.....

‏بعض البشر يعجبك حتى احترامه
‏وتحب فيه اجمل صفاته وترتاح

‏ وان غاب تشفق في لقاه وسلامه
‏وإذا حضر همك من القلب ينزاح

.....

‏إلى متى والناس تكذب على الناس
‏وإلى متى بعض الأوادم تجامل

‏ماتت ضماير ناس ماعندها احساس
‏والكذب صار أرقى فنون التعامل

.....

‏يارب وان تاهت الأقدام ثبّتني
‏على طريق الهُدى والخير والتوبة

.....