اخترنا لكم

ليت حبك بأختياري وأستخير
وأترك الأحلام في مشوارها

جيتني صدفه وحبيتك كثير
والصدف مافيه أحد يختارها

.....

ياصاحبي الدنيا حكايات وعلوم
قصص عجببه تذهل اللي قراهـا

الدنيا لو تضحك معك دايم الدوم
خلك فطين ولايهمك رضاها

كم واجد تبنى له آمال وحلوم
يفني وغيره يهتني في بناها

ياما أفرحت قوم وأحزنت قوم
وكم أعشقت عين وخانت غلاها

.....

‏أنا وعمري وكل وجهاتي فدى
‏لعيونك من أول هدب لآخر هدب
‏
‏أسهل من غيابك ومن طول المدى
‏جرحً ينوش الكبد بالسيف الحدب
‏
‏وشلون اصد أي والله إن مالي جدى
‏كلك نظر كلك خجل كلك ادب

.....

‏حبك مثّبت وسط قلبي جذوره
ومشاعري واحساسنا محتكرها

شوفتك للمجروح تدخل سروره
والروح لك تطْربْ ويطرب نظرها

وأصبح دواعي وصلكم لي ضروره
لحظة لقى يامنيتي ننتظرها

.....

اطنخ تدلل دام اناوانت حيين
تفداك روحي كان روحي تسدك

بلدك قلبي والشوارع شرايين
تمشي مع الشريان من حيث ودك

مره تمشى داخل العين ياعين
ومره تخش الفكر محدن يردك

ومره تخيم ف الحشا بين ضلعين
وعلى غدير الود ترشف بيدك

ومره تسرخها على الكبد بثنين
زاحف على كيفك ولا فيه قدك

.....

‏والله ان الليل محتاجك قصيد
افرشي صدرك على هئية ورق

وعانقيني وخلي عناقك جويد
لين حلو شعورنا يصيبه ارق

واليا ثملتي ببتديبك من جديد
بلتهي بك وانتهي بمفرق طرق

لين اذوبك شوق والعلم الاكيد
شاعرك مجنون وللحظه سرق

.....

ارحبوا 🇸🇦

يامرحبا باللي لهم خاطري سمح
ترحيب غالي لافيٍ من مغيبه

ايامنا تمضي وبسرعاتها لممح
سرعة مع الايام جداً عجيبه

ماودي اكثر من العرض والشرح
اشواقنا بالقلب ماهي غريبه

بقلمي

الـيـا تعثـر صـاحـبـك في طـريـقه
لاتـخـيـب آمـاله ولايـخـيـب ضنه

ولـيـا بـغـالـه شـئ ونـتـه تـطـيـقه
حصان الـمواقف شد سرجه وعنه

وليا نـشف مـن كـيـد الايـام ريقه
جهدك على سوء الـمقـاديـر شنه

.....

‏وجيهنا ماهي بـ عبّادة وجيه
ما تخضع إلّا وسط دور العباده

حنّا خلقنا الله علشان نرضيه
ما الله خلقنا لأجل نرضي عباده

.....

كل حبٍ غير حبّك ينكشف لي زيفه
وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه أعيفه
وكل صوتٍ غير صوتك ما يقنّد راسي ‏

.....