فوق هام السحب ( الشعر الشعبي) على متن القوافي

بعدك أنا المشهد اللي صعب تصويره
وتمر الايام وأوضاعي هي أوضاعي

مشتاق لليل والشرهات والغيره
ومشتاق لسئلتك اللي مالها داعي

.....

ليت العمر وقّف على ذيك الازمان
‏وليت الطفولة ماعطتنا ظهرها

.....

عيون الصد لو غضت بصرها عن جفى الأحباب
‏يجوز إنّا نحصل عذر والأحباب معذوره

.....

ياللي بصمتك لي تلوم وتعاتب
والله ماجيتك وقصدي عتابك

عزالله اني ما احسب لكل غايب
كل الغياب يهون الا غيابك

.....

مابين خوفي من الدنيا وخوفي عليك
ضيّعت عمري مابين اتركك ولا اتبعك

ماني بخايف تودعني وانا محتريك
خايف يديني تخون احساسي وتودعك

عقلي يبي يبتعد عنك وقلبي يبيك
ومابين قلبي وعقلي ماقدرت اجمعك

تبي الصراحه تعبت اعاتبك واشتكيك
تعال قُل لي احبك خلني اسمعك

.....

من القلق والمآسي والألم والظروف
بيصنع القلب لوجاعه مراهم وشاش

الصبر موجود لكن والله اني أشوف
ضميري الكفو يدفع قيمة العِز كاش

على المعزه مشينا فوق حد السيوف
عكس الذي بالمهانه راح عمره وعاش

ياصاحبي لاتظن الذيب مثل الخروف
الذيب هو ذيب لاداعي لكثر النقاش

لاتجعل القهر يعسف بك وعينك تشوف
أنا نصحتك لنفسك والنصيحه بلاش

.....

أقبح من العيب الاسود والغلط والعتب
إنك تشهر بغيرك وانت كلك عيوب

ياللي تجادل وعادك ماعرفت السبب
وش عاد يفيد اعتذارك بعد جرح القلوب

تدخلك في شؤون الغير تراه عيب
إجعل غرورك من اخلاق التواضع يذوب

واترك طريق الحماقه ألحماقه تعب
واشرب من العز حتى يافتى نصف كوب

.....

خذنا بقايا جسد ياحظنا العايب
بذمتك لاتزيد الوضع تعقيده

مشيتنا عكس ماكان الأمل ذاهب
وخذت منا الفرح في كل تنهيده

من قهرك امسيت يالحظ الردي شايب
وبان في وجهي الصافي تجاعيده

.....

يانفس ماباليد حيله ولا مَيل
في عودة ايام الزمان الجميله

لاعاد تتمني أنا فاقد الحيل
بعض الأماني للأسف مستحيله

.....

تعال ياعطر المسا وأقلب الجو
لاتبخل أنفـاس الغلا هاويتني

أبيك تغريني وأبي نسمتك لو
جميع لحظات الأمل فارقتني

.....