فوق هام السحب ( الشعر الشعبي) على متن القوافي

لبى العيون ورمشها والحجاجين
ولبى المعنق والنحر النهودي

ولبى يدٍ ماحط فيها غدى زين
ولبى يدٍ النعومه والدلع الركودي

لبى الكلام الذرب واللطف واللين
ولبى اشقرٍ كده على دهن عودي

لبى اهلك لعيونك اليوم غالين
ولبى خوالك كلهم والجدودي

.....

ليا شفت وجهك والله ان ماعلّي اخلاف
‏فلا تنشد اللي شاف غايته وش لونه

عيونك مثل مجد قصر دونه اللي خاف
‏وانا اللي يحب المجد ويموت من دونه

.....

يالله بعلم يشرح قلوب الأحباب
ويمطر على النفس الحزينه فرحها

العين تنظر للسماء بعشق وأعجاب
عشق السحايب يوم ينزل مطرها

مابين وصل وشوق وحظور وغياب
حيٍ السنين الي جميله صورها

ماصك باب الا وربي فتح باب
وايدين رفعت للولي ماخذلها

.....

يالله بصبح فيه خير وتوافيق
ويوم على ماقيل كله سهاله

يهنى يشوفه من برى حاله الضيق
ويلقى السعد والخير من ضاق باله

ويالله توفق من دعى بالتوافيق
وتسخر الدنياء على ماسعاله

ويارب سهلني لدرب المطاليق
وتجعلني من أهل الوفاء والجماله

.....

‏والله إن اللي تحبه لو الدنيا تميل
‏لاطرى وجهه يخليك ذو صدرٍ رحب

‏تشعر إن الذاكره دايم تسوي جميل
‏كل ماجابت على البالّ وجه اللي تحب

.....

دريت انّ العُمر دمعة مشاعر وإبتسامة عين
‏وجيتك مثل جيّات الكلام اللي على حلّه

‏معك شفت الحزن ليلة وشفت الضاحكات سنين
‏معاك أمّا الصحاري صادقة ولّا المطر زلّه

.....

ياعابرين الدروب وعابرين القلوب
‏رغم إختلاف المقاصد كلكم عابرين

‏اثاركم في المشاعر مثل اثار الحروب
‏اللي تشتّ الشمل وتروّع الآمنين

.....

‏لاترسلين الورد وانتي من الورد
صوتك وبوحك يجمع الورد كله

ياغايتي ومناي ياباهي الخد
سؤال حاير فالهواء من يحله

نعيش بالاشواق لشراقة الغد
عشان دمعي في فراقك ما اهله

.....

متعوّد اكلمك واواصلك كل يوم
‏والي تعوّد له على شيء مايتركه

‏انت اكثر انسان في الدنيا صدوق وكتوم
‏ازعله وارضيه وابكّيه واضحّكه

‏تقول ويش القمر واقول ويش النجوم
‏وتقول ويش الحسن واقول فيك ابركه

‏من شاف وجهك وركز في القمر قال توم
‏بس القمر في المجره وانت في المملكه

.....

‏زرعت لك في داخل القلب احساس
ونثرت لك بالحرف عذب القوافي

ياللي غلاك مخالطٍ عذب الانفاس
يالله عساك لنبض روحي عوافي

دامك سكنتي الروح من بد ذالناس
شعر الغزل يزهاك والقاف وافي

.....