فوق هام السحب ( الشعر الشعبي) على متن القوافي

‏عيش طيب ولكن كل شي له مقام
خل قلبك على صون الكرامه حريص

لاتبالغ في التقدير والاهتمام
لجل ماترخص الغالي وتغلي رخيص

.....

حنا كذا من يوم للأرض جينا
الله خلقنا فوق لسياد سادة

ماهمنا من ساق هرجه علينا
ماهمنا هرجة وكل أنتقادة

نفعل نسوي ماطلع في يدينا
والله وحدة بس يرزق عبادة

.....

الهبايب نسنست والروح خفّت
‏أقلطي ياضيقة الخاطر وتمي

‏الحزن مايعترف باحلم وعفّت
‏والصبر ماهوب مثل عيال عمي

‏والوصل لامالت دروبه ولفت
‏مالي الا أغيب واستغفر واسمّي

.....

‏برد وشتاء واحساس فيك دافي
‏ليت المساء كله مع البرد يطريك

‏ياللي غلاك بداخل القلب غافي
‏يصحا على صوت المشاعر تناديك

.....

يالآدمي مادمت في صحة وخير
تحمد الله وأعتبر نفسك غني

لاصرت متعافي ولو انك فقير
تراك فعيون المريض أكبر غني

.....

‏لاتلومني لاجيت كلي من اقصاي
مافيه غيرك لاتضايقت جيته

جيتك وقلبي دقته تسبق اخطاي
جيتك اقول مفارقك ماقويته

.....

أنا الحضور اللي مايشبه للغياب
‏وانا الغياب اللي شعر به من حضر

‏لاجيت مثل المزن في عرض السحاب
‏وغيري سحابٍ مايجي منه مطر

.....

أجيك مرهق ومتضايق ومتعني
‏واروح ودموع عيني عنك ساترها

‏ودي اعلمك بهمومي ولكني
‏اخاف أعلمك فيها وما تقدرها

‏وانا حياوي وطبعي من صغر سني
‏أفارق الناس قبل اجرح مشاعرها

.....

ماملكنا الا المقام اللّي تطيح الناس دونه
وماكسبنا الاّ الفعول اللّي تردّ العلم عنّا

بقلمي

وجدي على اللي ماترك فالعيون نعاس
سهرت الليل لاجله والسهر كنت مادانيه

اغني مع طيوفه واغني مع الهوجاس
لعله يرد الصوت ويقول يالبيه

....