فوق هام السحب ( الشعر الشعبي) على متن القوافي

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لاسولف يودّيني

.....

والله أني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهَوى غلاّب
تمادى ووقف في طريقي وانا مابي

دخلت في حياتي عرض من اوسع الابواب
وانا للحبايب ماني مشّرع ابوابي

عطاك الله من الود والحب والاعجاب
مايجعلك سيّد قلبي وسيّد احبابي

.....

يالبا الكلام الذوق والمنطق الجذاب
مجمل مكمل في تواصيفك وطيبك

أنا العاشق اللي من غرامك ترى ماتاب
وانا الهايم اللي قد تحملت تعذيبك

.....

‏عطر لسانك بذكر الله وقول الرسول
اخير لك من كثير الهرج والبربرة

مالك ومال البشر ياللي تحب الفضول
لاجاك علم ٍ ماتدري عنه لاتنشره

.....

‏واقراك في صمت العيون وهدبها
لاهز رمشك عرش قلبي بلفته

معك أحس الروح تعلن طربها
والحب لامن غبت يازين عفته

.....

وجهك محطّ أنظار شعّار الغرام
شاعرك يلقى من دواعيك السرور

اليا تلاشى النور من جنح الظلام
قام يتشعشع وجهك الفتان نور

.....

‏استلذ بليلتي يوم أشوفك متصل
واستلذ بطلتك رغم شح الإتصال

واستلذ بجيتك يوم تاتيني عجل
واستلذ بكلمتك كلما قلتي تعال

.....

‏عليك قلبي طواه من الوله طاوي
والصدر ضاق وتبيّح كل مكنونه

مدري عقب هالغياب المرّ وش ناوي
خلّيت روحي من التفكير مرهونه

كل شي في غيبتك بالعين متساوي
نفس الطعم والشعور وشكله ولونه

واليا فقدت ايّ شي اقول بالهاوي
فقدت كل الحياه بغيبة عيونه

.....

احفظ غلاي وخل صدرك لي وسيع
وأبشر بمنهو يحفظك يا أغلى غلا

انا وداعه في عيونك يا وديع
وانت الغلا اللي ما انخلق مثله غلا

.....

ماترضا عليه حتى من اصير وياك
ومن گد ماحرت وياك محتارك

ع مودك للمحاكم والتهم طبيت
وشلت عنك التهمة وفرحوا كبارك

واجيت تزورني ومن شفت بيدي قيود
اشتهيت تغيظني وسلمت بسوارك

شعر عراقي