فوق هام السحب ( الشعر الشعبي) على متن القوافي

‏من غرامك غرام ومن دلالك دلال
في عيونك رماح وفي جبينك ضياء

انت حاجه خيال ومن نسيج الخيال
صورك من نزل وحيه على الانبياء

الله امكملك سبحانه اله الكمال
بالعقل والثقل والعرف والكبرياء

.....

‏دام قلبي لك سما ضم السحاب
في ضلوعي تشرق وغيرك غرب

لو ابحسب فيك بيضيع الحساب
انت واحد لكن بقلبي عرب

.....

من الذهب والماس قيمه والوان
مابين نحل وخيل ورد وغزاله

مجموعتك روعه علئ هيئة انسان
لكن انا وياك كل شي لحاله

.....

‏ياللي قسمت القلب نصفين نصفين
نصفه غرام والنص الآخر عنادك

امسك كفوفي وقابل العين بالعين
وأبصم على قلب المتيّم وسامك

.....

‏يسعد مساء عينك وزولك وحبي لك
ويسعد مساء كل مايعنيك ويخصك

انكان ممداك توصلني فرح بي لك
خذ نصي اللي تبيه وخل لي نصك

.....

‏قرب عسى العذال تفدى مواطيك
وتعال لين تصير يدك بيدي

باقول لك جمله عن الكل تغنيكك
مادمت عندي مالحد شي عندي

.....

‏أنت الغرام وشمعة الجلاس
ونورك على قلب العناء شارق

وجهك من الفردوس والنوماس
وخصرك قتيل ومبسمك سارق

كل يوم أشوفك غير كل الناس
وكل يوم أشوفك نادر وفارق

.....

‏احفظي يابيض الايام من يرعى الجميل
لو نست سود الليالي خبيثين العمل

باقي الا يوم رست على الوزن الثقيل
بي تبرك من عناها جمل يدحن جمل

خذنا بقايا جسد ياحظنا العايب
بذمتك لاتزيد الوضع تعقيده

مشيتنا عكس ماكان الأمل ذاهب
وخذت منا الفرح في كل تنهيده

من قهرك امسيت يالحظ الردي شايب
وبان في وجهي الصافي تجاعيده

.....

يانفس ما باليد حيله ولا مَيل
في عودة ايام الزمان الجميله

لاعاد تتمني أنا فاقد الحيل
بعض الأماني للأسف مستحيله

.....