فوق هام السحب ( الشعر الشعبي) على متن القوافي

‏أنا عالمك واصحابك وانا الأحباب
‏وانا اللي دون عمرك ما أبي عمري

‏تعال سولف عنّك بدون اسباب
‏لو إن البرد غيّر صوتك الخمري

‏لضحكاتك وله في قلبي المرتاب
‏تمادى بالشعور اللي سكن صدري

‏أنا ادري أحبك فوق الاستيعاب
‏لكنْ شكثر احبّك إيه ما ادري

.....

حبك اللي كف نفسي عن دروب الضياع
‏لايوردني على الموت فالفصل الأخير

‏كثر خيرك في فقير لقى الدنيا متاع
‏واغتنى من بعد حبك وصار أغنى فقير

.....

أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعلي من الجفاف إن طالت يدينه دياري
‏وين مالدّيت أشوفك نوض بَرق ووبل غيمة

.....

‏أسلم يا أحلى ويا أغلى الناس وأجملها
‏سولف ياصوتٍ يموتني ويحييني

‏عطني علومك وطولها وفصلها
‏ترحب أذني وقلبي وإيدي وعيني

‏وأبعد عن الارض وأبعد عن مشاكلها
‏صوتك عن الناس والدنيا يكفيني

.....

‏بعد ماطارت طيور الهوى بارزاقها ياخِلّ
‏كبر فيني الشعور وطير من العش عصفوره

‏تهاجر لك مشاعر قلب حبك فارتحال وحل
‏مع كل انتفاضه شوق مغبونه ومقهوره

‏بعد مادارت الايام واحساس الوله ماقل
‏هنا خلف الضلوع العوج قلب تربكه صوره

.....

‏شد حيلكَ طالبك لاعاد ترخص قدري
‏والله أني بين فك البعد وحظٍ عاثر

‏أنت تدري والعرب عن حبنا مَاتدري
‏ياحبيبي ليه في وصلك علي متكاثر
‏ㅤ
‏كم شريدة شوق شفها في زوايا صدري
‏أجمع اللي باقيٍ من شوقي المتناثر

.....

‏من يعيد الشغف للي نفذ من رصيده
‏لايعيد الرفاق ولا يعيد المقاهي

‏فاقد الرغبه يشوف الثمينه زهيده
‏لي سنه ماخبر حاجة تشدّ أنتباهي

.....

خذلكْ الظن ياموهوم لاتشره على الخلان
‏غفت عين العتب من بعد ماسالت دموع اللوم

‏هي الأيام هذا طبعها من سالف الأزمان
‏من المؤسف بعد رغدْ الطموح تْدوّر المقسوم

‏يداويني كلام وفي مُراعاة الشعور إحسان
‏عسى بعض الكلام اللي على هيئة حياه يدوم

.....

‏من معطيات التجارب واختصار الكلام
‏أنجح عقول الخلايق فالزمان أربعة
‏
‏من فضل الصمت لازادت هروج الأنام
‏ومن ينثر الطيب لاشاف العرب تجمعه
‏
‏ومن شاف زلة رفيقه في طريقه وشام
‏ومن برّ في والدينه بِرّه ابينفعه

.....

لاتغارب لاتنزحت وجلست لحالي
‏الحزين احيان مردود السلام يكوده
‏
‏كل مامر المكان البالي اشغل بالي
‏والله ان كن الوجيه الغايبه موجوده

.....