فوق هام السحب ( الشعر الشعبي) على متن القوافي

غابت اللي مايوصفها الحنين
غابت اللي وجهها وجه السعد

من ملامحها خلق ربي اربعين
يوم غابت كلهم غابوا بعد

.....

ياغافل اتوضى مع من توضى
لاتترك السنّه ولا تهمل الفرض

لاشحّت الحاجه لها ألف مقضى
عند الذي لا اعطاك مايطلُب القرض

العافيه كم فالعنايات مرضى
ماتنفع القوّه ولا الطول والعرض

إقنع بما قدّر لك الله وارضىٰ
واركن على رب السماوات والأرض

.....

تدري وش إلي يقهر الرجال في درب الفراق
لارفرفت ذكرىٰ وليف القلب واتذكر غلاه

حتى العسل في غيبته والله مابه له مذاق
يضيع طعمه فالغياب وتنتهي لذة حلاه

.....

‏نمشي على حكم الزمن غصب عنا
‏ونقول ياقلب العنا الف لاباس

‏حتى ولو بالقلب سهم طعنا
‏نضحك ونخفي كل جرح عن الناس

.....

غدرتني وأنا من القلب حبيت
وجرحتني وانا احسبك دوايه

لكن تبغى الصدق تراك مخطيت
هذا غلط مني وهذا خطايه

لوني اعرف نيتك ماتماديت
فـي حب شخصً مايثمن غلايه

.....

لاتخدعك دمعة ولا يخدعك بوح
بعض الغلا أحيان ماله معاني

كم واحدٍ كنت أحسبه حسبة الروح
صدّت به سنين الحياة ونساني

.....

‏سولف مع العالم مثل مايحبون
واترك لهم على الهوامش مساحة

اثنين في هذا الزمن مايعيشون
راعي الضمير ومن يقول الصراحة

.....

‏احسدوني عليك وضيقوا صدري
وكل ماجيت ابيك عيونهم صوبي

تدري اني عشقتك وانت ماتدري
صعب ذوقي وحصلتك على ذوقي

.....

‏يا ام العيون الذابحات المراييش
الناعسات النجل يفتن هدبها

غطي عيونك خلي العالم تعيش
خافي من الله لانموت بسببها

.....

مافيه داعي تزعلين وتغارين
انتي يغار البدر من قو زينك

عاد البنات الفاتنات المزايين
بالله وشهن عند سلهام عينك

.....