فوق هام السحب ( الشعر الشعبي) على متن القوافي

‏يالله صبآح العطآ والقرب والطآعة
‏يآمآلك الجود يآمعطي بلا منّه
‏
‏عفوك بعبدٍ لشوفك كثرت أطمآعه
‏يبغى يفوز برضآك ويدخل الجنه

.....

افا يصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام مارقت
‏ضايق وفيك الهم صايل وجايل

‏خابرك ماعمرك للأحزان رافقت
‏واليوم كنك شايل جبال حايل

.....

ملكنا جمال الشكل وما تباهينا فيه
‏تباهينا بطيب القلب والنيه الزينه

.....

أنا تركتك للزمن والمقادير
طويت لي صفحه وسكرت بابي

بعض المواقف مالها اي تبرير
تراكمات وانا عدوي عتابي

.....

عفت العتب واكرمت نفسي واقفيت
وكتمت لهفة خاطري واشتياقي

.....

إيه أحبك باختياري واستخير
‏واترك الاحلام في مشوارها
‏
جيتني صدفة وحبيتك كثير
والصدف مافي احد يختارها

.....

انت بحياتي شي ثاني عن الغير
تقدر تقول اجمل حدث في حياتي

من كثر ماخانت غلاك التعابير
معاك احس اصدق كلامي سكاتي

.....

على الوعد والعهد عامٍ ورى عام
‏ياشوق روحي يادوايه وطبي

‏واللي خلق هالكون في سته أيام
‏مايعلم اللي بيننا غير ربي

.....

‏لاتنشد المشتاق وشلون يشتاق
هذا السوال اللي بليا إجابه

‏الحب من ربي يجي كله أشواق
من غير ماتعلم وتحسب إحسابه

.....

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....