اخترنا لكم

‏لله حكمة وهو يحكم على الصايب
امنت بالله في حكمه ومكتوبة

مشيئته كلها من خيره الغالب
يا زين بنيانها طوبة على طوبة

واقدارنا في مدار المعطي الواهب
يالله بحسن الختام وصادق التوبة


.....

ما قال عيد الحب إلا كاذب
‏أو جاهل أو ذو ودادٍ فاسد

‏إن الذي في القلب أعظم قيمةً
‏من أن أحجره بيومٍ واحد

.....

‏مبـادي البـدو...


الله من قلــب على الصبر مجبــور
من عــادته مايشكي الضيم للجار

من عادته يصبر وبالصبر مأجــور
ومن واجبه يبقى على المر صبار

ياما جفـاه الوقت في كل مسـتور
وياما تحـدته الليالي والأقــدار

تحــدته الايــام بالغبــن والجــور
كأنه غــريب وكن غيره هل الدار

ياما جفــاه اللي بقي فيه مغــرور
وصنفه من بين الاصحاب الاخيار

اللي عليه من المواجيب معشور
تنكر المعــروف ما كن شي صــار

نسـي علاقـة قد لها ايام وادهور
اجرم وزيد اخفى الجريمة والاثار

الطيـب به راعيه مديــون مامور
يــوفيه لــو با يقتحم الاخطــار

ومن يستدين الجود ماهو بمعدور
عند العـرب ما يعرفوافيه الاعذار

عند العرب ما يقربوا كل محظور
الديــن والعــادات مارد ومصدار

وتحكم علاقات النشاما على الفور
مبادئ النجـدة على قدر الاخطـار

ومن يزرع المعروف ماهو بمخسور
محسوب له ثروة ولو مالها أصفار

هذه مبادئ البـدو والعـرف مأثـور
صـــرافة الدلــه على كــل مـــرارا

منهــا تربينــا علـى قـدر ميســـور
وفيها نعـد الصبـر حشمة ومقـدار

‎.....

ماركبـنا المخاطر لجل شي دنيوي
يشهد الله علينا والمواقـف شـهود

إن مشينا مشينا فالطـريق السـوي
وان وقفنا وقفنا في عرين الأسود

وان مسكنا مسكنا حــبـل مايلتوي
وان تركنا تركنا من حــــبـاله تـنود

مانفرط في الصاحب ولا فالخـوي
يشهد الله عليـنا والمواقـف شـهود

.....

يامنية النفس في نفسي قلص قهوه
من قهوة البن ذي كنتي تسويها

ليتش بتبدي عليا في السنه بدوه
غبتي عن العين وانتي في نيانيها

هذه ضماري وراس المال والثروه
ذي جنتي والسعاده تحت رجليها

ذي ارضعتني من الثدي السخي نخوه
واروتني الله من الريان يرويها

دعت لي امي وربي جاوب الدعوه
ودعوة الأم ربي مايجافيها

أوه على من يجافي والديه اوه
دعوتهم افضل من الدنيا ومافيها

الله يرحم موتانا
وموتاكم اجمعين

ابراهيم مفتاح

يــاليل جـــور الليـالي زاد فـينـي المحـن
واضحــى فـؤادي بِحزنه كالفؤاد العليل

مِــن كُثر ماقد تِجرعت في حـــياتي غُبن
لاطــاب عيشي ولا اتهنيت في ذا المقيل

امـشي علـى نيـتي والطيـب فيني سـكن
واسعـى بكــامل جهودي لجل رد الجميل

اوفـي مــعَ صـــاحبي وهــو يخوني علن
وازرع ذري التمر واجني لي زروب النخيل

مـــاذا فعلـت يازمــاني تـِـزيد فيني غُوّن
فَكلمـا قلت باصعـد ارجـع سُفال النقيل

.....

لاجـاتـك الـزلـة مـن إنـسان غـالي
لا تـعـتبرها داخــل الـنـفس حــزه

خلك جبل في مصفق الريح عالي
تــضـرب شـمـاله وايـمـنه مـاتـهزه

واغـفـر لــه الـزلة مـن اول وتـالي
لـو كـنت فـي واقـع حـياتك تـعزه

.....

‏ما يشبهك غير الندى عقب المطر
لامن سكن فوق الورود وزارها

وصلني احساسك معه ريحة عطر
وفكّت له ضلوع الغرام ازرارها

.....

‏أحبك يالوضوح اللي اشوفه كان لَدّت عين
‏لأن الشك مبطي في طريق الريب ودَّاني

‏وامانه كان قررت الغياب بسكة المقفين
‏إذا في يوم محتاج المواقف لا تعدّاني

.....

لايهمك جور الايام يالصدر الرحوب
‏خلها تمضي مثل ماعلى غيرك مضت

مساعد الرشيدي