فوق هام السحب ( الشعر الشعبي) على متن القوافي

جعل السعاده يامتابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسل مجاري خافقك لين ترضيك

مني لكم مع التحية

وش عاد لو جرح المفارق وجعني
مصير ضيقات الليالي تداويه

والغايب اللي في غيابه جرحني
الله يسهل له دروبه ويهديه

.....

ماكل مافي القلب لازم تقوله
ويسد عن طول الكلام العناوين

من قبل ماتعشق ومن قبل توله
جرح الهوا ماعالجوه المداوين

.....

هات الوداع وخذ معك جرح الايام
يمكن يكون فراقنا فيه خيره

خذ دمعتي والحب وكبار الاحلام
وارسم بها للشووق لوحه كبيره

.....

وين اودي شوق قلبي والوله
لوغديت بعيد عني مااسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

انتي جديدي وانتي اخر حروفي
وانتي وجودي وانتي الكون كله

وانتي غرامي وانتي احلا ظروفي
وانتي الهناء اللي عشت انا تحت ظله

.....

الحب نبضة قلب في صدر إنسان
تجي من الله مالها اي تفسير

ماتنحصر بأشخاص ولا ببلدان
هي نوع واحد لكن اشكالها غير

.....

‏والله انّي في محبّتك إكتفيت
‏والسعاده في وصالك تستمر

‏انت ماتدري بشعوري لاحكيت
‏كلمةٍ منّك تكفّيني عمر

.....

حي المساء اللي تنفس بالاذكار
يشرح صدور اللي يعانون ضيقه

سبح وهلل واسلك دروب الابرار
وتصير اسعد شخص بين الخليقه

.....

كف المخاليق لاتعطي ولاتمنع
المعطي المانع الوهاب سبحانه

النفس عاداتها فالزود ماتقنع
لوتملك من الذهب وديان مليانه

.....