فوق هام السحب ( الشعر الشعبي) على متن القوافي

نحيي سمرنا بوقع الدان
أنت وانا وحدنا الاثنان

ونغلق الباب والروشان
ومالنا من فلان وفلتان

.....

خليك في عشقتك صادق
وريحة الورد فيك عابق

ياغصن بين الغصون باسق
إمشي معي في خطاك واثق

.....

حروفه اللي تجيني وتحمل احساسه
فديت الاحساس واللي يحس محبوبي

ياحلوها يوم تسكب داخلي انفاسه
واحس باللي بقلبه جمر مشبوبي

نجود الفيصل

اوفيت لك دام الوفا حصانه الشوق
وتستاهل الاشواق ياراعي الطيب

انت الوفي وفارس الشوق ياذوق
ومنزلك مابين الضلوع المحاديب

نجود الفيصل

أنا قتيله وأنا أمنه وأنا خوفه
وأنا غناته وأنا طرحه وأنا جمعه

ياجعلي أسابقه للموت وأطوفه
محبتن فيه لاخذله ولا رمعه

.....

‏يافالق الاصباح من بعد الظلام
‏ياخالق الإنسان من روح وجسد

‏تجعل مسيرتنا على الدنيا سلام
‏ماعندنا للناس حقد ولاحسد

.....

‏معشوقتي جري القصايد مواويل
‏لين الهواواي يسّتلذ بغرامة

‏مع العصر والفجر وان خّيم الليل
‏نوحي الا من غبت نوح الحمامة

‏أيه افخري بي ماعشقتي لك خبيل
‏ويفداك رجلً ماتشيلة عظامة

‏وليا نشدك منّقل القال والقيل
‏منهو عشّيرك علمينا مقامة

‏قولي عشّيري بينكم كنه سهّيل
‏بين النجوم بطلعته وأعتصامة

....

‏يارفيق الذكريات ويا شريك فؤادي
‏كل ظنٍ فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايه يالبيه ياموتي ويا ميلادي
‏جعل حزنٍ مرني ماتونسه وتذوقه

‏ياوقودي وإندفاعي بالحياة وزادي
‏ياحشاشة جوفي وقلبي ودم عروقه

.....

‏سرقني مثل مايسرق هدب عيني لذيذ نعاس
‏وأخذني مثل ماحوله خذت رجلي على السكّه
‏
‏على وجهه يدور من العجب دهشه وحبس أنفاس
‏تشك إنه ملاك ولا ابتسم ماتلحقه شكه

.....

صباح السعاده والرضا وأول التوفيق
‏مقامك صلاة الصبح والناس هجاعه

‏ترى في نسيم الفجر متعه وفكة ضيق
‏ونعيم يصد الشر عن صاحب الطاعه

‏تفكر بفطرة خالق الخلق بالتدقيق
‏مع الصبح ينشر خلق ربك على اسناعه

.....