فوق هام السحب ( الشعر الشعبي) على متن القوافي

‏ان دعيتك نجمة السيح والا خشف ريم
‏تزعل نجوم السماء والبلاجيك الطوال

‏مثل ما الله حط فالبيت زمزم والحطيم
‏حطك الله آية الملح وايقونة جمال

‏افزعي للي على باب وصلك مستهيم
‏كل ماقلتي هلا جاك يحسبها تعال

....

بين زيف الوجيه وطول بال السنين
ضاق صدر الفضيله بين حرّاسها

كل ماقال واحد راحوا الطيبين
أشعر أن الصداقه تلفظ أنفاسها

.....

على الأمل نزرع بساتين الاحلام
‏عسى المزون تمرها في وعدها

‏تروي عروق ٍغرها صيف الاوهام
‏لولا الأمل ماتت ضمى في مهدها

.....

‏ودّي إني في الليالي كلها متواجد
‏عاد قلبي مانساك وعاد كبدي ولها

‏السوالف بيني وبينك حلاها واجد
‏عادنا لاذعذع النسناس بنكملها

.....

‏كل ما شان الدهر قلت لابدّه يزين
‏
كثّر الله خير صبري ويا مال الغناة

.....

مايضاهي عزّة النفس بالدنيا غناة
عن دروب الذل ياخطوة العز إنتحي

مشكلتنا كل مخطي نبرّر له خطاه
نستحي في وقت فيه البشر ماتستحي

.....

‏دام الزمن ياصاحبي يمشي سريع
وش لي بتفتيش الصدور الخافيه

يامنوتي محدٍ بهالدنيا يضيع
غير المبادي والقلوب الوافيه

.....

يوم أجي على المخدّه لا عليّ ولا لي
‏أستريح من المشاكل وأهتني بأحلامي

‏السعاده مطلبي ولا الرصيد المالي
‏ماملكته تنفقه سبّابتي وابهامي

.....

‏إلى هِمت فسنين الظمأ والصبر كذّاب
‏ولا فيه شجرْة خلّت الظل من حظّي

‏تجي ضحكتك في بالي المرهق المرتاب
‏مثل لفحة النسناس في وجه متوضئ

.....

‏أشكر الله على كل شي صار بزماني
‏ودّك العبد يشكر ربّه بكل مرّة

‏بعض الأحيان من بطن المسرّة تعاني
‏وبعض الأحيان من بطن المضرّة مسرّة

.....