اخترنا لكم

‏ليتنا في بعض الاحيان خاليين الشعور
‏لاجل ما نسترجع الذكريات الماضيه

‏يا قديمات الطواري مبيحة الصدور
‏جنبي نفسٍ على الوقت ماهي راضيه

‏صابر ٍ والوقت جاير وضربه فالنحور
‏يضرب الغافل ليا سج ضربه قاضيه


.....

‏ياطير تكفى لفّني بـالجناحيـن
‏ودّي معاك أطير يا طير خذني
‏
‏مادام مالك لا حدود وقوانيـن
‏خذني قبل هالحال يا طير يفني

.....

‏مال البَيان وفزّزته البلاغه
لين استوى عود البيوت العذيّه

وشلون ادوّر لك بعقلي صياغه
وخطوتك مجدٍ جرّته سرمديّه

.....

‏البارحه ريح المطر عانق النود
واستانست ميلاف نجد العذيّه

مرّت وفزّ الشيح عنقود عنقود
ومالت عذوق النخله الابجديّه

لبّستها من زاهي الفكر ماهود
وزيّنتها بقلادةٍ عسجديّه

فلّت لياليها تبختر على الخود
وسريت اليم غيّها في يديّه

واشرق ورا الغرّه نبا كل محمود
وجهٍ ما شعشع في ربى نجد زيّه

.....

يا زين شوف المطر والمزن همالي
والبرق نوره يشع المقدم خيالــــه

غيثٍ من المزن هل بقـــدرة الوالي
سبحان ربٍ عظيم الشان نلجأ لـــه

.....

‏النفس محتاجه رضا الرب عنـها
‏ماهي بمحتاجه لعطف المخاليق

‏والنفس خيل ومن يهمل رسنها
‏جابت عليه الهم والغبن والضيق

.....

ياحظ نوماً يسكن الجفن يافوز
يداعب هدب عينك يبي يحل فيها

لكن عزاي الصبح مع صوت فيروز
اتذكرك والشوق بنفسي يحديها

شوفك يعادل فرحت القول بالفوز
وترى الوله في الروح مسيطر عليها

.....

من جرب الحب ما يعرف طريق الجفا
ولا عرف خافقه غير النظيف النظيف

يا ظالم الحب وارباب المحبه كفا
والعمر بالحب يا مسكين كله خريف

اغنم زمانك وذا الدنيا عليها العفا
واسمح لقلبك يخذ منها الخفيف الخفيف

الحب مثل العسل طعمه وفيه الشفا
وصفه لمن كان قلبه من زمانه ضعيف

علمني الحب درس التضحيه والوفا
واصبح معي ضد غدرك يا زماني حليف

عايش بنور المحبه والظلام اختفا
ليلي سعاده وليلك يا معقد مخيف

.....

‏تعال اقلط وسولف معي يانسيم الليل
‏انا والله إن لي مدة أحس بالغربه

‏عن الناس أغيب شهور واطلع طلوع سهيل
‏عساها تباشر بي مثل ماتباشر به

‏يازين السعه والبعد عن قوم قال وقيل
‏وعن اللي لسانه يمنع الناس من قربه

‏لسان البذي ماكنه الاّ لسان السيل
‏يجيب الخفيف الساقط اللي على دربه

.....

ياخيبة الضن في عاشق من الحب تاب
وجا غزال البوادي حاوره واقنعه

بعد عليه الغشاوه كلها والضباب
وهو غبي فكره صادق وقام يسمعه

احيا بروحه حيات الحب دون العتاب
حتا السعاده بدت تحويه متربعه

وضن ما مثلها فرصه لها الوقت جاب
والروح في حضرت العشاق متوسعه

فجئه وذي شب نار الحب سابك وغاب
والقلب لو مات يترما ويتنصعه

طلع غرامك بكله والمحبه سراب
ماغير قلبك من اوجاع الزمان اوجعه

ياخيبه الضن هل عندك لقلبي جواب
والصوت لو يشتكي ياناس من يسمعه

شيبت بي يازمان الحـب وانا شباب
والقلب لا حب خلانه لقا مــصرعه

.....