فوق هام السحب ( الشعر الشعبي) على متن القوافي

احنا طبايعنا في السلم عقال
لكن ترونا في الوازم مجانين

رجال مافينا سوى كل رجال
يسوى من العربان وحده ثمانين

بالعز قهويني من الموت فنجال
عليه ربوني نشامى ميامين

.....

اجبر بخاطر من تعزه وتغليه
واهده شعور الجبر من طيب خاطر

واعط الغلا من يستحق منك تعطيه
لين الغلا يضهر بفيض المشاعر

واوفي بوعدك من عطا وعد يوفيه
لاتوعد الا وانت ع الوعد قادر

ومن عطيته بالوفا عهد يرضيه
اوفي معه بالعهد غايب وحاظر

والصادق الي بالمشاعر تجاريه
اقوى وابلغ من مجاراة شاعر

.....

‏ياما صبرنا على اللي شينه طباعه
فضلا عن اللي طباعه نفتخر فيها

وياما حملنا زمان الجور واوجاعه
ولا شكينا ولو جارت علاويها

والليل لو طال عاد الصبح مطلاعه
يشرق ويبدي لك القصة وما فيها

.....

ياخي وينك من زمان اسأل عليك
قل لنا هو شي لذ الغيبة طرف

حتى لو في آخر الدنيا أجيك
وانت عارف كلمتي كلمة شرف

اسالك بالله واتوسل اليك
لاتخليني عليك اعلن نكف

كل يوم يمر وانا احتريك
اتحرى الموت واشعر بالتلف

كلما حولي يسلم لي عليك
وانت سلم لو تسجلها هدف

لو تسويها اجيك اركض اليك
الا لو قلبي من الفرحة وقف



من ديوان سحايب شوق
عن الدار المصرية السعودية

يابو نوايا طيبه وين اوديك
ماعاد حد من طيبين النوايا

آثارهم من كل زوه تناديك
والوقت ضيق من جميع الزوايا

صحوة ضميرك واحترامك مباديك
ما تختلف حسب اختلاف الروايا

حاولت اهديهم وحاولت اهديك
واطماع بقعا اللي تسوي سوايا

أسود تتمرق على بيضة الديك
وكلب يتعشى الغنم فالحوايا

صالح الأحمدي

ناس يخجلني وفاهم حل في قلبي غلاهم
مالك الملك اصطفاهم للمقامات الرفيعه

وناس ربي لاسقاهم زودوا قلة حياهم
لا اسلمونا من اذاهم لا ولا اعطونا ذريعه

في تعاملنا معاهم لن نصل لمستواهم
بل نقول الله هداهم يغلقوا باب القطيعه

خيرة الناس اتقياهم والنبي حامل لواهم
يحشروا بعد انبياهم والسعيد احمد شفيعه

.....

حبيبي ترا شاعرك ما يسمع الحكاي
يسمّعك بيته قبل يسمع جماهيره

يكفّيه رايك ما يبي غير رايك راي
يا ملفى القصيد العذب وابلغ تعابيره

الالهام ينبع من غيا حسنك الغواي
ويزدان في محيّاك بدعه وتصويره

.....

الا ياحمام فوق الاغصان جرّ النوح
ترفق علي اشوي لاتبحث الخافي

تهيضني بنوحك وانا ماعرفت ابوح
على صاحبً طاريه وسط الحشى غافي

.....

ليت الخيال اللّي يوقّف بي على برّ الأمان
ماهوب يوعدني ورا الهقوه ويقصر دونها

وقفت ادور للّي اسقتني من انهار الحنان
ماشفت غير الظلمه اللي مثل كحل عيونها

.....

اصيب واخطي واعتذر كل ما اخطيت
وان جيت تقدير وغلا جيت كلي

لكن متى ماشفت ماعفت صديت
صدة جفى ماهيب صدة تغلي

.....