فوق هام السحب ( الشعر الشعبي) على متن القوافي

مادخلت الحب من باب التسلي
‏والله أن يبطي أحد ياخذ مكانك
‏
‏لاتهملني وتنساني وأنا اللي
‏مهمل الدنيا بما فيها عشانك

.....

اصبر على المكتوب لو فيه مافيه
لو ضاقت الدنيا على الله فرجها

واللي كتب ربك على العبد ياتيه
مايمنعه حل العباد وحيلها

جرح المصيبة صبرك اللي يداويه
وربك يهونها على من صبرها

والمؤمن اللي يحتسب له ينسيه
كم كسرة رب الخلايق جبرها

احدٍ صبر واحدٍ تهزه بلاويه
والله يجازي كل نفس بعملها

.....

زحمة شعور ولخبطة بال وظنون
تاكل من الضيقه يدين الكفايه

كم للأمل في رمل الاحزان مدفون
وسيلتي فـكري والأوجاع غايه

.....

‏تعال نتكلم دقايق على الخاص
ابغى معاك انسى التعب والكئابه

حديثك مهدي من بروفين الاقراص
وعلاج قلبي الدردشه والكتابه

اشتقت لك شوق المقيد بالاقفاص
شوق السجين اللي تمنى هرابه

وونات قلبي مثل شكمان الارباص
من كثر شوقه لاتزود عذابه

.....

‏ياقلب لاتنجرح وفر لي احساسك
‏انا ادري انك تجي دايم على النيه
‏
‏لاتفكر تحب شيل الحب من راسك
‏كل العلاقات هاليومين وهميه

.....

‏أبشرك سكرت من دونك الباب
ولا عاد يشملك السكن والضيافه

اسلم وسلملي على كل من غاب
الخاطر اليا عاف له شي عافه

.....

‏بالأمس معطيني عهود ومواثيق
يقسم بربه مايخون الأمانه

واليوم فارقني وعلمني الضيق
إن الثقه في الحب مثل الخيانه

.....

‏الزمن مشكور كثّف لي دروسه
وانت من ضمن الدروس وْلا جهلته

حُبك اللي قد جرح قلبي بموسه
عن سبب جرحه بَموت ولا سألته

ماهقيت الحب تتعبني طقوسه
لين جربته وعفته واعتزلته

.....

تاريخنا هجري على روس الاشهاد
واعيادنا عيد الفطر والضحية

ماعندنا في شرعنا يوم ميلاد
على كتاب الله وسنّة نبيّه

عيد الكرسمس للنصارى يا الاجواد
ماهو لنا يا اهل الشرف والحمية

بقلمي

بعض الغلا يعرف مفاهيم الاشواق
من نظرة عيونك يترجم كلامك

الحب ماهو كله اعتاب وفراق
الحب يازين لذته في غرامك

.....