فوق هام السحب ( الشعر الشعبي) على متن القوافي

ماني من اللي يطرد انسان ناسيه
ولاني من اللي لاجفيته تجيبه

انا من الي لاحشمته وتغليه
يرخص لك الغالي وتصبح حبيبه

انا عزيز النفس ياهيه ياهيه
ضاري على الفرقا ولاهي غريبه

من باعني بعته ولاني بشاريه
وترى المحبه ماتجي بالغصبيه

.....

‏وش بقى في الشعر شيٍ ماكتبته
ووش بقى بالشوق أكثر من أبيك

ووش بقى بالحسن زودٍ ماوصفته
واحلف إنّه مايليق إلاّ عليك

.....

لاتشتكي همّ الصدر للمخاليق
السرّ يفسد لاخرج عن نطاقه

لاضاق صدرك أطلب الرب توفيق
وأصبر على ماقدّر الله وساقه

.....

‏ﺗﺎﺑﻊ ﻭﺃﻧﺎ ﻟﺠﻠﻚ ﺑﻨﺸﺮ ﺑﺎﻻﺷﻮﺍﻕ
ﻭﺃﺳﻤﻊ ﻣﻊ ﺍﻟﻤﻨﺸﻮﺭ ﻗﻠﺐٍ ﻳﻨﺎﺩﻳﻚ

ﺗﻘﻮﻝ ﻟﻲ ﻭﺷﻔﻴﻪ ﻭﺃﻗﻮﻝ ﻣﺸﺘﺎﻕ
ﻭﺃﻥ ﻗﻠﺖ ﻟﻴﻪ ﺃﻗﻮﻝ ﻭﺩﻩ ﻳﺤﺎﻛﻴﻚ


.....

لاصرت مشتاق لك لاتطول القصه
مشاعر الشوق فيني مالها مرجع

تغانم الشوق دام الشوق له فرصه
الشوق مثل العمر لاراح مايرجع

.....

‏لبيه ياصوتٍ سمعته وفزيت
‏فزت غريب سامع صوت غاليه

‏من كثر حبي له على طول رديت
‏قال السلام وقلت مرحب ولبيه

.....

‏ياجماعه كان لي حقٍ عليكم
‏أدعوا أنّ اللي على البال يتحقّق

‏ضايقٍ صدري وأنا منكم وفيكم
‏كن قلبي بين الأضلاع يتشقق

.....

‏يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق ياوجهٍ فبالي مقيم
اشتقت لك والمشاعر حثّت ركابها

.....

في دفتر أيام عمري كل شي محسوب
‏لـي قصةٍ لا أختليت بنفسي اقرأ بها

‏مؤمن وهذي هي الدنيا نجاح ورسوب
‏القسمه اللي من الله لازم أرضى بها

.....

‏صحيح الخطأ وارد لكن الأسف مطلوب
‏ماهو عيب لازليت ثم جيت متأسف

‏لكن لاتحاول تلبس الثوب بالمقلوب
‏تزيد الخطأ بعناد وتصير متحسف

شافي الهاجري