فوق هام السحب ( الشعر الشعبي) على متن القوافي

‏فتنه أنوثه طاغيه تأخذك لين
تضيع وسط أعيونها من حلاها

ومن الدلّع والغنج والملح والزين
الله حرم بعض البنات وعطاها

.....

‏جرحك اللي ماهقيت انه يصير
‏منه حزن الكون في صدري قلط

‏غلطتي اني أحبك من ضمير
‏والمحبه من ضمير أكبر غلط

.....

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

‏كثر الحكي مافيه غير المضرّه
والصمت به حكمه وهيبه ومقدار

مايندم العاقل على الصمت مرّه
ويندم على كثر الحكي عدّة أمرار

.....

‏دوّر على اللي يموت ولا ظهر زيفه
‏يبقى لك اقرب من اخوك وولد عمّك

‏وخلّك من اللي مشاريهه على كيفه
‏اليا رضا يمدحك واليا زعل ذمّك

.....

عليك في طيب النوايا والصلاه
‏ولا تنشغل في ذا الحياه الفانيه

‏ترا الحياه الاوله ماهي حياه
‏رتب أمورك للحياه الثانيه

.....

‏جعل ماحنا على الشامتين بشامتين
‏وجعلنا واللي نحبّه من النار اعتقا

.....

‏صبرنا على ماجابه الوقت زين وشين
‏ولا حطمت صكات بقعاء عزايمنا
‏
‏نحشم الرفيق ولا طردنا ورى المقفين
‏وعلى نخوة الناخين نحذف عمايمنا

.....

كثر الوله والشوق صرت اتحراك
وكثر الغلا ياكثر شوقي لعينك

وكثر القصيد اكتبك والناس تقراك
وكثر انتظاري ياهوى البال وينك

.....

‏ياخاطري لاباح صبرك ومليت
‏مالك عن المقسوم صده وحيله

‏ان زان حظك جاب لك ماتمنيت
‏وان شان خلا الهينه مستحيله

.....