فوق هام السحب ( الشعر الشعبي) على متن القوافي

إن شانت الدنيا ترا العمر مقسوم
‏محدٍ حياته جت على مايريده

‏دايم تفائل بالامل واترك اللوم
‏عش لحضتك واللي مضى لاتعيده

.....

كل ليلة موجسٍ بالنفس خيفة
‏لين صوت الحق يصدح واتطمن
‏
‏الليال رياح والعالم خفيفة
‏والكلام اللي على البال يتثمن
‏
‏مشغلٍ نفسي على الروس المنيفة
‏من يراقب فعل غيره مات هماً

.....

‏ليت طبع الناس من طبع الغصون
‏إن تعلّت ظل وإن طاحت حطب

.....

‏الكلام أذواق والذوق يبغى له نبيه
‏يدري إن ماكل كلمة مودة لايقه

‏مثل بيتٍ فيه قوه وبيتٍ لك عليه
‏مايفرّق في بعضها عديم الذايقه

.....

‏فالعمر بين التراجع والتمادي
‏عقلك احذر لاتنقّص من مقامه

‏اعتذر عن كلّ شي الّا المبادي
‏واعتدل في كلّ شيّ الا الكرامه

.....

‏أطلق حجاجك لقبل الخاطر وحيّ
‏بشاشة الطيّب كرامة ضيوفه

‏سعد بن جدلان

‏اتركوني ضايق البال مكسور الجناح
‏اتثاقل قومتي واتحالا للمطيح
- مدغم ابو شيبه

‏أتركوني في متاهات الخيال الجرهدية
‏لين أسوي صلح بين الممكنة والمستحيلة
- حزمي بن سعد

‏بري حالي عقب عسرات الليال أزعجته
‏والعرب ماقدرو صمتي وبحّه صوتي

‏لابغيت اسج قالوا مايكب ادوجته
‏وان جلست المجتمع يستغرب البيتوتي

‏عناد الشيباني

‏توالفت أنا والهم والهاجس الورّاد
‏وأفكارٍ بعضها يوجع الراس ويدوّخ

‏أشوف المسا خيمه وأشوف الجبال أوتاد
‏وأشوف الصبر هرش فتر حيله ونوّخ

‏وأنا والسعاده مثل عاشق وبنت أجواد
‏بغاها ووقّف دونها راعي مجوّخ

‏عبدالله بن مشهور

‏شاعر مرهي وخادمني لساني
‏مستعد احط هامه فوق هامه

‏أن مدحت أرفع ليا سهيل اليماني
‏وأن هجيت ادفن تحت ساحل تهامه

‏وصل العطياني