فوق هام السحب ( الشعر الشعبي) على متن القوافي

‏قالت العرب قديماً
إكرام النفس هواها
ومن جهه اخرى

‏- يقول مطحس بن حمد
عط الراي قلبك شف هوا القلب وين وهاو
‏ترى السعي في غير المشاهي هو التوههْ

‏عن لبته يوم رد اطراف مجدوله
‏تقول بدرٍ فتق جنح الدجا الدامس

‏أشعر لاشفته شعور اللي بعد جوله
‏توه نزل في مطار محمد الخامس

.....

‏لك مكان لو عرفته ماهنى نومك وطاب
ولك حنين في فؤادي من لهيبه احترق

إن بغيت اكتب شعوري انقفل للبوح باب
ولاذكرتك بين ناسي غاب فكري وآنسرق

.....

‏تغانم الشوق دام القلب تحت امرك
مشاعري فيك ماتشبع إذا جاعت

لادار وقتك وطوّل ربي بعمرك
عرفت وش قيمة الفرصه ليا ضاعت

.....

‏هوجاس قلبي لأتلع الجيد نزاع
‏وقلبي على شانه يحب الهواجيس

‏ابو رموش بابيض الخد شراع
‏بعده يغصب دموع عينٍ محابيس

.....

‏ياحبيبي بدون أدنى شكوك وطلايب
‏والله وبالله اللي كوّن الكون كله

‏إنك الحاضر اللي كنّ ماهو بغايب
‏وإنك الغايب اللي ماتغيّر محله

.....

كيف اعبر عن محبتها وانا رجلً حياوي
مايداني يشرح احساسه ولا يظهر ميوله

.....

عُمر الشكل مازاد قدر الرياجيل
‏الرجـل بأخلاقه وطيبه وثقْله

‏كم واحدٍ بالشكْل يفرق عن الجيل
‏وأخف من ريش العصافير عقْله

.....

‏ياللي عيونك وساع وخدك يشع نور
‏قلبي يحبّك لو انك لانشدته جحد
‏
‏دورت فيك التواضع بس شفت الغرور
‏اللي مخليك ماترخي عيونك لاحد
‏
‏ليتك على عيونك اللي كنها عيون حُور
‏ثلاث مرات تقرا قل هو الله احد

.....

‏العمر رحله واكثر العمر لحظات
‏فيها اماني وامنيات ورجاوي

‏لاحد يقول ان المفارق بالاوقات
‏الوقت وقتك والمشاعر هقاوي

.....