فوق هام السحب ( الشعر الشعبي) على متن القوافي

الصبر قسمي في زماني ليا ضقت
وعمري على مايفرض الوقت اعيشه

اناظر لسابق ظنوني ولا فقت
مناظر المسجون دون الدريشة

الناس تحسبني ماعمري تضايقت
وانا دروبي كل ابوها وحيشه

قالوا بدون يدين وشلون صفّقت
واقول هذي فزعة الله وجيشه

حراً وعن دار الشماميت حلّقت
لو كان راسي دوبه بعز طيشه

والله ولو يكسر جناحيني الوقت
نذراً علي ما اخذ من البوم ريشة

.....

‏على طاري الفرقا وذكرى مضت تنعاف
‏أبي تسمـع اللي مابعد باح في سرّه

‏هديتك خفوقٍ منصفك بالغرام إنصاف
‏وهذا جزاء المعروف بيدينك تضرّه

‏وأشيل الحمل وأنسى ولاملّت الأكتاف
‏أكابر وكنّي أسعد إنسان بالمرّه

.....

بين شيٍ مستحيل وبين ريبه
السؤال اللي يحير كيف فكّر

خطوة العاشق ترا دايم غريبه
مايعوقه فالهوى بابٍ مسكّر

.....

ان كان ماضحيت للي تحبه
‏راجع شعورك يمكن القصه اعجاب

‏مافيه داعي للهوى والمحبه
‏مادام في قلبك مزايين واحباب

.....

حك المعادن يوضح لك مصادرها
ثم تكتشف لونها وتشوف طيبها

وحتى البشر ماتحددها مناظرها
مانعرف أصنافها حتى تجرّبها

.....

ترى غناة النفس هي اكبر غناه
وترى جمال الشي ماقل وندر

وترى التغافل اكثر اوصاف الدهاه
وترى الذكي هو اكثر العالم حَذر


.....

‏جوي ترا اليوم يحتاج توبيس
‏توبيس ناخذ فيه كل اخويانا

‏اللي قرا تبويس يحتاج تبويس
‏واللي قرا توبيس يركب معانا

.....

‏اخاف الشوق والفقدان والحاجه
‏كثر ماصار عندي من الجفا عقده

‏انا حتى اللي متعوّد على ازعاجه
‏ليا منّي فقدت إزعاجه أفتقده

.....

من طوّل الغيبات يفقد مكانه

ياخذ غنايم غيبته مانبيها

بقلمي

‏ماركنت لعزلتي في رجاء لفت انتباه
‏غير اشوف ان باقيٍ لي مع الاحلام دين

‏من يطارد حلم ويعيش عمره في رجاه
‏ما اعتقد لاجته فرصه يفكر مرتين

.....