فوق هام السحب ( الشعر الشعبي) على متن القوافي

العذر في بعض الأحيان مايلقى القبول
‏في وسع صدرٍ تحمل زعل لين امتلا
‏
‏مشكلة غلطتك ماتقبل انصاف الحلول
‏والمصيبه لك معزه وتقدير وغلا
‏
‏قلت سامحني وأنا الصدق مدري وشقول
‏خايف أسامحك مره وتاخذها حلا

.....

لاتهادت ظلمة الليل والعالم هجاع
‏كن متمثني ضلوعي حرابٍ فاريه

‏أتنهّت والهقاوي ضياعٍ في ضياع
‏والمقدّر ماعنه والليالي جاريه

‏الزمان يسل سيفه على قلب الشجاع
‏مايحنّه والمخاليق ماهي داريه

‏والله إنه مايحدّك تكب الإجتماع
‏غير ضيقٍ ما يخفى وذكرى طاريه

.....

أدنى مايأثر بنا وأدنى مايملا الصدور
‏تقول الأيام تطلب من حدانا قضاء

‏أحياناً الصمت للتعبير منفذ عبور
‏ لاهو علامة زعل ولا علامة رضا

‏خلّو يتيم المشاعر يستفيض الشعور
‏ضلوع صدره على مشهاب جمر الغضا

‏تقول زحل وعطارد فوق صدره تدور
‏لامن صدره فضاء عوّد مجرّة فضاء

.....

قلوبنا من طيبها تحفظ الطيب
‏واللي يجينا من ردىٰ الناس ننساه

‏حنا بشر نخطي مع الوقت ونصيب
‏وان بان في ثوب الخوي شق رقعناه

.....

قد سمحت وطابت جروحي وعيّنت خير
‏متكل باقي حياتي على صدق النوى

‏والله ان قلبي من العام كنه عش طير
‏رغم ضعف بنايته مايطيح من الهوى

.....

الذكريات بكل الأحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميلة وراحت

.....

يسعد ‎مساء الناس الراقيه
اللي لهم بالقلب قدر ومقام

اللي على طهر النوايا باقيه
وترقا صداقتهم معزه وإحترام
‎
بقلمي

كنه يقول العشق فيكم وفيني
مع أنه الساكت وأنا ماتكلمت

أنت تبي الصمت بينك وبيني
طيب أحبك كيف تنقال بالصمت

.....

كل الصباحات ماتكمل بلا شوفك
اصحي وخل الصباح بشوفتك يكمل

صباح قلبك شعورك ضحكتك خوفك
صباح لمسه يديك ووجهك الاجمل

.....

‏يوم طاوعت كبريائي وقسوتي وعنادي
صديت عنه والمحبه قدرها متواجد

يالنسيّم اللي تمر دياره وترتادي
بلغه شرهه خفوقي والسلام الواجد

.....