فوق هام السحب ( الشعر الشعبي) على متن القوافي

انا ادري ان الليال السود خداعه
شفني من مرافق الرديان متخلص

بعض العلاقات كنّها غاز ولاعه
ان طولت ست خمس ايام وتخلص

.....

ان زانت ظروف الليالي ضحكنا
وان كانها شانت ضحكنا عليها

.....

بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

‏الليالي تحد اللي عليها صبور
وحضي يحدّني وهو على حدّها

كل ماجات فرصه قلت زانت لمور
مْسكتها الليالي والعنت جدّها

.....

واحذر تصير انسان ضايق وحساس
وتبالش العالم على كل زله

واصبر على دنياك بالعزم والباس
حتى لو انك عايش فوق ملّه

.....

‏راسي على عزه ونفسي عزيزه
وأبعد عن اللي ينقص القدر والشان

وربي عطاني طبع ثابت وميزه
ما أطرد ورا المقفي ولو كان من كان

.....

الله يعين اللي طوى قلبه الشوق
البرد منّا وأقشر الشوق منّا

.....

في اخر الليل صلوا واذكروا ربكم
تطمن قلوبكم وصدوركم تستريح

واللي نصحكم اكيد بقلبه يحبكم
هذاك من ينصح بذمة ودايم صريح

.....

لولا طباع الناس في هذا الوجود
ماكان قالوا كل شارب له مقص

من تواضع للبشر قدره يزود
الا الغرور ان زاد بالواحد نقص

.....

من خلقت الناس شماته ومداحه
ريح ضميرك ونفسك لاتضايقها

الشجره الطيبه بالطيب فواحه
ماتختلف لو سموم القيض تطرقها

.....