فوق هام السحب ( الشعر الشعبي) على متن القوافي

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها

.....

وش خطاي إلا المحبة وش رجايّ إلا وصاله
‏وش يبي غير الموّدة والغلا والمقدريّه

‏دللوه اللي ربوه صغيّر واسرف بي دلاله
‏ليت لي قلب يطيق الصبر وعيون خليه

‏والغضي لو لاعه التحنان وبقلبه عداله
‏ماغدت من دونه القيعان جردٍ جرهديه

.....

احد يجيب الشعر من قدح راسه
‏واحد يجيبه بالذهب والدنانير
‏
‏والقصد واضح مايبيله فراسه
‏عمر الذهب ماصار في يوم قصدير

.....

‏جاك البراد وراح صوتك وزكّمت
سلامة أوجاعك ولو كان كحّه

صوتك حلو لاتذبح الشّوق بالصمت
أحبّ صوتك لاغدا فيه بحّه

.....

‏لاعلى عيني غشاوة ولا على وجهي قناع
‏مقتنع في حجم علمي وفي حجم اجهلي

‏البشر فيهم هوامش ومن سقط المتاع
‏مالهم تأثير واضح على مستقبلي

‏والحياة ومجريات التلاقي والوداع
‏خضت لي فيها تجارب وجيت بما يلي

‏يوم فضّلت انعزالي على كل اجتماع
‏استرحت وصارت الراحة ألزم ماعلي

.....

أحلى مافي الوقت في الدنيا صديق
إنْ ذَكَرتُه تلحقهْ كلمـة كفو

يفرح إنْ تفرح وإذا ضايق يضيق
وقفته تغنيك عن ميّة أخو

.....

‏الليل والعزله وقافي ومعناي
‏والامنيات الناجيه والغريقه

‏ياخذني التفكير فيها من اقصاي
‏لين الصباح يفك بالشمس ريقه

‏صدري وسيع وضحكتي في محياي
‏لو اني من الضيقه اشعر بضيقه

.....

ياكثر ماتطري علينا الطواري
باحلامنا و قلوبنا بكل الاوقات

نجامل العالم غصب و نجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

نجود الفيصل

مع الحنين يفز قلبي لطاريك
لاشفت بالجوال رقمك فديتك

لاجلك ابيع الكون كله وشاريك
ياكحل عيني دام قلبي عطيتك

نجود الفيصل

انشد وانا انشد والاحاسيس بالقلب
والشوق هو مكسب معك ياغلاتي

وما يتعب قلوب البشر غير هالحب
ولكن معك بالذات يسعد حياتي

نجود الفيصل