فوق هام السحب ( الشعر الشعبي) على متن القوافي

خذ قصيدي ياشذى الورد لا ندا
وانتبه لي واستمع موجز النشره

والله انك بالغلا فارقٍ جدا
مثل فرق الابتسامه عن الكشره

.....

عن البال ماراحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

حبيبة عيوني وأول الدرب والمشوار
معك ياحلو دربي ويا خفّ خطواتي

أشوف الوجيه العابره مع طريق المار
ولا زال وجهك في جميع إتجاهاتي

وش البال لو مافيه طاري ولا تذكار
وش الحب لو ماكنتي أول علاقاتي

.....

أدوّر سبب للسالفة معك مدري كيف
لو تقول مدري قلت أبنشدك عن مدري

.....

لاجيت في بال الغلا عدني ضيف
ضيفٍ من ظروف المعزب تساما

دور العشيق يردني للعنا كيف
وانا زعيم العاشقين القداما

.....

الحياه ملكعه تبغى لها نسبه لكاعه
وانت غامر لاتفكر فالزمن جوده وشحه
ٰ
بس تكفى لايصيبك قل دين وقل طاعه
لو تمر بقل مال وقل نوم وقل صحه

.....

ضمني من شغف لهفه ومن قلب حار
لارماني جليد البرد رمية عطب

ليه اكسر حطب واحاول اشب نار
وانت في ضمتك نار بليا حطب

.....

ياصاحبي والضيق متولج الجاش
باين على وجهي من الضيق أدله

ماكني الا ضايع الفكر منداش
ودرب السنع عيت عيوني تدله

.....

احبابي اللي في هواكم اغني
ترا حياتي بعدكم ماهي زينه

البارحه اطق طاري وأغني
أغني ابيات عليكم حزينه

.....

ياكثر ماغنيت في يوم فرقاك
ابيات تنزف من جروحن حزينه

انا وحزني والليالي وذكراك
الاربعه فينا مواجع دفينه

.....