فوق هام السحب ( الشعر الشعبي) على متن القوافي

ورّد البرد خدك وأنت خدك رقيق
وما رحم عودك الميّال ريح الشّمال

من بنفسج ثغرك ووجنتك لاتضيق
حاول البرد تشويهك وزادك جمال

.....

أنا حياتي قصيدة وزنها صعب
والحظ خبلٍ تهجّاها وكسرها

.....

ياحي من جاني وفي عينه الشوق
ياحي منطوقه وياحي شوفه

الغالي اللي بالغلا منزله فوق
كل المشاعر في حضوره شغوفه

.....

مزيونه وجمالها فوق كل الوصوف
ومن زينها تضحك على كل البنات

لادبرت تطوي ملابسها الردوف
وان اقبلت يارب عفوك والثبات

.....

انتي القصيد وحرف بوحي ومعناه
وانتي الحنان اللي غزى الروح توه

انتي الطبيب لوحده القلب ودواه
وانتي السحاب اللي روى الروح نوه

.....

خلوني امشي في غرامه وخلوه
‏دام الغلا يمشي بدمي ودمه

‏انا عليه احن من خافق ابوه
‏واشفق عليه ان غاب من خافق امه

.....

كان يكذب على قلبي وأنا داري
‏وعديتها من باب قرب المحبه
‏
كم أرقع له وأمد إعتذاري
‏من موقف خايف إنه مايحبه
‏
واليوم لاقدر ولا هو يداري
‏كنه يكسر في غصون المحبه
‏
ماكنت أظن ولا طرى لي طواري
‏أن الليالي تخلف اللي نحبه

.....

‏انت العلاج اللي شربته على الريق
‏جرعة شفا تقضي على كل عله‏

‏وانت الكلام العذب في ساعة الضيق
‏اللي سماعه يطرد الضيق كله

.....

الغلا اللي كنت اخاف انه يعدّي عدّا
‏أسرع من الليله اللي مستحيل انساها

.....

لاطالـت الخوّة تبين العذاريب
‏وتعرف قراح البير وإلا هماجه

‏ابعد عن اللي لازعل ينكر الطيب
‏اللي تقلب عشرته مع مزاجه

‏ان راق رقّاها طوال المراقيب
‏وان ضاق ضيقّها على ادناة حاجه

.....