اخترنا لكم

عرفت ناس واجد اشكال وانواع
واخذت لي من ناتج العرف طابع

الاغلبيه كذب ونفاق وخداع
والطيبين اعدهم بالاصابع

.....

نافق تعيش وجامل الناس تنحب
وبيع الضمير وتشوف كلن يجيلك

هذا هو الدستور في وقتنا الصعب
اما تزيل الصدق والا يزيلك

صار الصدوق منبوذ في عالم الكذب
وصار الكذوب ياللاسف هو خليلك

.....

‏لامن جفاك الوقت بعيون غاليك
احذر توصلها حدود الكرامه

ان كان في قلبه محبتك بيجيك
وان راح قله مع دروب السلامه

.....

‏ماني معاتبك بس أبيك تفهمني
حسّسني إنك تبيني وإتبع أشواقي

وإن كان تبغي فراقي لا تعلّمني
خلّك مقفي وأنا اللي بفهم الباقي

.....

‏إعتبرته قِسمه وحظ ونصيب
واعتبرت الناس حسّادي لذّا

كنت متوقع نهايتنا قريب
بس ما كنت اتوقعها كذا

....

انا الصراحه طبع مني وفيني
عانيت منها وما تخليت عنها

اقدر اجامل وابتسم بس عيني
مقدر ارد اللي يطيحون منها

.....

قآلت أحبك قلت حبك على ماش
لاصرت في وصل المحبين مضيوم

محمد بن فطيس قد قالها كاش
وش فايدة حبك وأنا منك محروم

.....

وانت يا روح المشاعر والأماني
ودي أوصف لك شعوري بسّ مقدر

لا تضايق خاطرك وأضحك عشاني
لو عشانك أهجر الأحلام وأخسر

ضحكتك مرسى ونظراتك مواني
أبتسم لا شفتها من دون ما اشعر

.....

‏مابين الصمت والضجه ومابين الجهل والإدراك
‏أعايش كومة جروحي لو جروحي ما أدانيها

‏زرعت الورد في دربك وكل اللي جنيت أشواك
‏وصلت لمنتهى دربي وأنا دروبي ما اثنّيها

.....

‏غريبً يسولف عن بلاده وهو مضهود
‏أقول إنسها ويقول الأيام دوّاره

‏سمعته يغنّي يحسب إن ماني بموجود
‏غريب ورجع داره غريب ورجع داره

.....