فوق هام السحب ( الشعر الشعبي) على متن القوافي

‏المكارم ماهي بكبر البيوت
كم كريمٍ سقف بيته من عريش

مايهم تعيش وافعالك تموت
المهم تموت وافعالك تعيش

.....

‏احذر من اللي ينقل الهرج لعداك
يظهر لك الطيب وهو منه معدوم

قلبه مريض ويخلط السم بدواك
يعرض عليك الرأي والرأي مسموم

.....

اليوم بكره بعد بكره بعد عام
يبي يطيح قناع وجه المقنّع

ماتخفي الايام تبديه الايام
لاشع نور الحق غاب التصنّع

.....

من ينشغل في نفسه يعيش مرتاح
ومن ينشغل بالناس ماذاق راحه

ويافاتحٍ قلبك لمن جا ومن راح
اللي بصدرك قلب والا استراحه

.....

احدً على كثر الصبر مالقى شي
واحدً وهو مرتا ح زانت أموره

أحدً يموت وموتته توجع الحي
واحدً غيابه مثل حزة حضوره

.....

احترامك للبشر ماهو بخوف
بل دليل انك أصيل ومحترم

لاتغير ميزتك لجل الضروف
عيش عمرك بالشهامه والكرم

كم ضعوف فارقوا الدنيا ضعوف
وكم نشاما ذكرهم فوق القمم

.....

نجلس مجاليس الشرف والسلاطين
وبوجيهنا هيبة ملوك وزعامه

ماننتظر مدح الفعايل من سنين
الله خلقنا بالفخر روس هامه

.....

عشنا على ألدنيت مطانيخ واكرام
مأتنحني هاماتنا لجل حاجه

نسوقهأ قدأم وألعز قدام
مافيه ضيق الا على الله افراجه

.....

‏مهما تحس بضيق صدرك والانفاس
خل الامل بالله في داخلك حي

لو شفت هم انسان غيرك من الناس
يصير همك في عيونك ولا شي

.....

‏الناس بالدنيا طبايع وعادات
تصعب على الإنسان يرضي بَشَرْها

عليك في دينك وكل العبادات
واترك بلاوي الكون واحذر خيرها

.....