فوق هام السحب ( الشعر الشعبي) على متن القوافي

‏كلهم شافوك واحد بس انا شفتك وطن
‏والله انك في عيوني كل كوني والحياه

‏لو يشوفونك فعيني شافوا ان مالك ثمن
‏ياغناة الي يدور من فقر عمره غناه

.....

‏لاتحسبين الاغاني تنسينا الغياب
‏ماتنسينا الأغاني يابنت الباديه

‏انتي أنفاسك عذوبه ونظراتك عذاب
‏وطلتك فتنه وصوتك موسيقى هاديه

‏خلي الأرواح بالحب ترقى للسحاب
‏واعذرينا لو طلعنا بطلعه غاديه

‏وقتنا اللي راح لاعاد نحسب له حساب
‏توني بادي حياتي وتوك باديه

.....

‏ياكل الكلام اللي يجي عقب لو وليت
‏وش الحل مع بالٍ يطرّيك له مدّة

‏أنا ماتخيّلت بحياتي ولا ظنّيت
‏يجي يوم وتصدّين والصدة الصدّة

‏مع إن الغرور يحق لي كل ما انغرّيت
‏ولكن معك كان التواضع على آشدّه

‏تقولين من قدّي ليا قلت فيني بيت
‏وأنا آقول بيتٍ ينكتب فيك من قدّه

.....

‏محتاج أجرّ النسم في درب ما أنت بْهواه
‏أنا في صدري كلام وفي ضلوعي ثقل

‏كنّي وصلت بْشعوري معك ذروة عطاه
‏أو حول هذا الشعور الموجع أكثر أقل

‏لي عين تتبع خِطاي وعقلٍ أتبع خطاه
‏لكن قراري معك ماكان عين العقل

.....

‏لاتضيق من الحياه ولا تفكر
‏قد نشف من طردها ياخوك ريقي

‏وان تسايف بابها والا تسكر
‏الليالي ذا سنعها يارفيقي

‏الليالي كنها حفلة تنكر
‏ماتناسب راعي الوجه الحقيقي

.....

‏اتركوني لاضوى الليل للشعر الحزين
‏وان نشدتو لا متى قلت مدري لا متى

‏ُالشتا ليله معادي صدور العاشقين
‏وش بقى ماجبت من هم ياليل الشتاء

.....

‏تقبل علي ويتبرا مني عنادي
‏ماكني الثابت اللي محكم وثاقه

‏اذا تركت المعاند عندها عادي
‏انا هواوي وهي حلوه ومشتاقه

.....

‏ياماخذٍ تاج الجمال بزمنا
‏في ذوقك الراقي وفي كل مابك

‏وش فيك قطعت المواصيل عنّا
‏حتى وصالك نشحذه من جنابك

.....

‏هوجاس قلبي لأتلع الجيد نزاع
‏وقلبي على شانه يحب الهواجيس

‏ابو رموش بابيض الخد شراع
‏بعده يغصب دموع عينٍ محابيس

.....

التشبه بالغلا مثل التشبه
‏بالامور اللي محد يقدر عليها

‏غشّني في كل شي الا المحبه
‏المحبه مستحيل انغش فيها

.....