فوق هام السحب ( الشعر الشعبي) على متن القوافي

‏ياليت بعض الهقاوي قبل لاتنهقي
‏ماتنهقي غير تدري وين مدهالها

‏وياليت بعض الرسايل قبل لاتنرسل
‏يكتب عليها ترى مايصلح إرسالها

.....

‏الهوا اللي ناطحه راسي قبل راس الهواوي
‏من مهبه مالقيت الحاجه اللي كنت ابيها

‏لو نسانيس الهوا الغربي مثل طب المداوي
‏كان شرعت الضلوع العوج لين يهب فيها

.....

‏من المستحيل أنساك وأنت الأمل بالذات
‏خطيّتك تدمح والغلط منك مرجوعي

‏أشاهدك سبع سنين عندي سبع ساعات
‏وسبع الدقايق عقبكم عندي إسبوعي

‏أحبّك ولا أسمع فيك عاذل ولا شمّات
‏وأقدرك وأعزّك ولو إنك دلوعي

‏ترى بالهوى جنّه وللحُبّ تأثيرات
‏مقسّم على جزئين مرئي ومسموعي

.....

‏صار الزعل من بينا ماله أسباب
‏وعلى الرضا ماعاد للقلب طاقه

‏وقلت سوالفنا عقب ذاك الاسهاد
‏وراح التودد واصطناع اللباقه

‏طاحت مناعة حبنا والغلا شاب
‏وهذي مواري قرب موت العلاقه

.....

‏عندي من الصبر مايكسر ظهور الجمال
‏وفيني من العز مايسند مقام وقدر

‏احداث الأيام مقبوله على كل حال
‏إليّا اقبلت خير وإن قفّت قضاء وقدر

.....

‏غريبه كنّها من بطن ريح ومن ظهر عبرود
‏أصيله كنّها المجد التليد وسيرة أسلافي

‏عظيمه كنّها الدين الحنيف وحلمي المنشود
‏كريمه كنّها مطيري الكريم وخيرها الضافي

.....

‏فلا استبدّ الليل وأنهى مع النور الجدال
‏تهجع قلوب الخلايق وقلبي ماهجع

‏أسهر وكنّ السهر بعد طول الارتحال
‏خذ محلّه بين جفني وجفني واضتجع

.....

‏بعض الغناه تجيك في هيئة انسان
يغنيك عن باقي الاوادم والاموال

ياسلوة الخاطر ويا المطلب الآن
ليت الاماني تصير واجيك فالحال

.....

‏يامساء الشوق هذي لك لحالك
يامساء الخير هذي للبقيه

أنت مامثلك ولا عندي بدالك
واهني اللي يشوفك واهنيه

......

من جرب الحب مايعرف طريق الجفا
ولا عرف خافقه غير النظيف النظيف

ياظالم الحب وارباب المحبه كفا
والعمر بالحب يامسكين كله خريف

اغنم زمانك وذا الدنيا عليها العفا
واسمح لقلبك يخذ منها الخفيف الخفيف

الحب مثل العسل طعمه وفيه الشفا
وصفه لمن كان قلبه من زمانه ضعيف

علمني الحب درس التضحيه والوفا
واصبح معي ضد غدرك يازماني حليف

عايش بنور المحبه والظلام اختفا
ليلي سعاده وليلك يامعقد مخيف

.....