فوق هام السحب ( الشعر الشعبي) على متن القوافي

تكفون ياللي تشوفونه ابي شوفه
كيف العمل لامشاهدته ولا سمعه

خلوني احب خشمه والمس كفوفه
لو كان أشوفه من الجمعه إلى الجمعه

ياكبر حمله علي وكبر معروفه
ولبيّه والناس مفترقه ومجتمعه

عن وصل غيره يدين الحب مكتوفه
وعن شوف غيره عيوني مالها طمعه

.....

‏ماقلت لـي وينك ولا شفتك أشتقت
‏إحساس حطم كل الإحساس فيني

‏أكذب عليك إن قلت لك ماتضايقـت
‏وأكذب عليك إن قلت لك لاتجيني

.....

‏اثر الشدايد تكشف الناس للناس
‏ويبين فيها اهل الحكي والصمايل

‏كم واحدٍ وقت الرخا تحسبه راس
‏ولا هبته هوج العواصف تمايل

.....

ماتشيب الاماني لو تخيب الظنون
وماتضيق الحياه وعند ربي سعه

.....

نصبر على الدنيا وحذفات الاقدار
ونقول يمكن تالي الصبر خيره

.....

‏مهما بلغت من الضيق والحزن تأكد إن :

‏تبي تزين الامور وينشرح صدرك
‏العسر بعده يسر لو طالت المدّة

.....

‏والله انك في عيوني كنز مايفقد غلاه
درة فاقت جميع الوصف غالي اثمانها

كيف اوصف لك شعور القلب ياغاية مناه
وانت حبك في معاليق الخفوق اوطانها

.....

‏ثنتين لو مهما حصل لاتجي فيك
‏كره الرفيق وحب من لايودك
‏
‏والثالثة كانك تبي الناس تعطيك
‏مكانتك فاعرف مع الناس حدك

.....

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

‏ياذا المساء روق وجيب الطواريق
‏خل النفوس بروعة الجو تسلى

‏فنجال من دله وكاسه من ابريق
‏ونفسٍ خفيفه مع قصيدٍ محلى

.....