فوق هام السحب ( الشعر الشعبي) على متن القوافي

قلبي مساك وليلي بشوفتك غير
يااللي غشاك الليل قلبي يحبك

يسعد مسا قلبك انا قلبي بخير
بس انت قلي ياالغلا كيف قلبك


.....

يازين المحبه لاتوافق عليها إثنين
ويا زين اللقى لاصارت النفس مشتاقه

.....

ياقبلة الروح يانبع الحياة انتي
يادولة العشق والهامي وكل البوح

انتي القصايد وانتي النبض لاهنتي
نبضة حياتي حياتك هاهنا فالروح

.....

الرزق ضيفٍ لابغى الله يجيبه
‏يجيك لو سكرت من دونه الباب

.....

لاتنخدع والناس موّاتت ضمير
‏غير المصالح مايمر في بالها

‏أحبّك اللي كنت تسمعها كثير
‏هو واحد اللي حبّك وما قالها

.....

جعل ماجانا من الوقت كفارة ذنوب
‏وجعل طربات الليالي تجي متخاويه

‏بين تقليب المواجع وتنفيس الكروب
‏تنوي الدنيا ولا ادري وش اللي ناويه

.....

أفضّل الصمت لو يظلم معي قدرك
‏أما كلام ماتشعر فيه وشهو له

‏والله لو أحط قلبيّ في قفص صدرك
‏ماراح تستوعب اللي ودي أقوله

.....

‏احيان ابوح وداخلي روح شاعر
‏واحيان شاعر بس خالي من الروح

‏ماني من اللي يجرحون المشاعر
‏حتى ولو قلبي من الكل مجروح

.....

‏يقول خذني لك وأنا أقول حياك
قلبي وطن وضلوع صدري معابر

أنت تعال وإعتق الشوق بخطاك
كلي دفا وإحساس وأحلى مشاعر

.....

‏عساي ما اثقّل على قلب مخلوق
‏ولا اسوّي مايسبّب عتابه
‏
‏انا احب الذوق وادوّر الذوق
‏عند التعامل والحكي والكتابه

.....