فوق هام السحب ( الشعر الشعبي) على متن القوافي

‏ياكثر مامرت على عيوني عيون
تمرني وأسأل عليك إنت وينك

ماهمنـي لو بالثواني يمرون
تكفي عن عيون المخاليق عينك

.....

اشتقت لك يلي على البال مريت
‏وجلست أفكر فيك من غير مدري

‏حاولت أسلي خاطري عنك وأزريت
‏قلبي معك مشغول ياليت تدري

.....

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

جيتي الأرض المليئة بالنواقص آية
‏تحيي أجداث الشعور لواهسي ولفنّي

‏فإن ضحكتي كن ما للضحك خط نهاية
‏و إن زعلتي كنّك تدوّرين خيبة ظنّي

‏الشعر ماكان يعنيني حكي قرّايه
‏ومن قريتي صرت أدوّر للسبب وأغنّي

.....

أثر الأماني وارفات ظْلال دانية القطوف
‏والأمنيات أكثر مايخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة اللي تخيّلت و لمحت أوصافها

.....

ياكثر المرحبا والمسهلا والشوق وال لبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

من يقنع الشوق باشغالك وبظروفك
‏أقنعت قلبي وعيّا يقتنع قلبي
‏
‏دقايقٍ ما اسمعك فيها ولا اشوفك
‏ياوين ابا اروح من تفكيري السلبي

.....

أنا المقتنع بإن آخر المجريات أنصاف
‏لذا ماتزيد جروحي إلّا أبتساماتي

‏ولوّ مهل الله ماهمّل قلبي الشفاف
‏يجي يوم والدنيا تعدّ انتصاراتي

‏تخافون دورات الليالي وأنا ما اخاف
‏ تبي ترد لي معروفي وبيض وقفاتي

.....

‏أجمع له سمان الهرج خوف من التقصير
‏واليا جيت أبشرح له كلامي تهيزلته

‏يجيني منه هيبه معزه سحى تقدير
‏أقابله عندي علم وأروح ماقلته

سعد بن جدلان