فوق هام السحب ( الشعر الشعبي) على متن القوافي

يامالك الملك يارحمن سبحانك
لي خمس دعوات ياربي تحققها

‏جودك وسترك وعافيتك وغفرانك
والخامسة روحي من النار تعتقها

....

لهفة مساء الخير في يوم الخميس
تشبه نسانيس الهوى عقب المطر

يانسمة البسمة ترى يومي ونيس
رش من النسناس بثيابي عطر

.....

أكثر كلام الناس ماكني اوحيه
بعض التجاهل طيب ماهو رخامة

ماصادق الجاهل ولاني معاديه
يكفي سلام ومرحبا والسلامه

.....

الصبر هيبه والتواضع معزّه
وخير الكلام اللي به الصدق موجود

ومن لايعزك جنبه لاتعزّه
مانته على اللي تكره النفس محدود

.....

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

.....

الخطوة اللي ماتعزك بممشاك
لا تهتويها واقصر المشي عنها

لاصار ماترفع مقامك بدنياك
احذر تجاملها وترخص ثمنها

.....

الله يمسيكم بخير وكرامه
ويجعل مساء اليوم عز وتوافيق

عسى لكم في كل خطوه سلامه
ويارب يبعد عنكم الهم والضيق

.....

بعض البشر بالكون مصدر سعاده
مثل الذهب مطرزينه بالالماس

وبعضهم كسرة خشب في رماده
ماجاك من دخانها الا وجع راس

.....

‏على سبيل الشوق مامرك الوقت
‏مدري عقارب ساعتي وش تحرا
‏
‏تدري وش اسوي ليا مني اشتقت
‏ماغير في وجيه القصيد اتذرا

.....

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ماتصيح وتنادي

اعبر بها يمك على موج الافكار
خيال لكنة بقلبي وكادي

.....